ကိုဗစ် ကြောင့် အကျဉ်းချုံးကျင်းပခဲ့တဲ့ ရုပ်ရှင်သက်ကြီးပူဇော်ပွဲ

Описание: နိုဝင်ဘာ - ၁၁၊၂၀၂၀
နှစ်စဉ်ကျင်းပပြုလုပ်ခဲ့တဲ့ မြန်မာ့ရုပ်ရှင်သက်ကြီးပူဇော်ပွဲကို ကိုဗစ်ကာလကြောင့် နိုဝင်ဘာ ၁၀ ရက်နေ့က မြန်မာနိုင်ငံရုပ်ရှင်အစည်းအရုံးမှာ အကျဉ်းချုံးပြုလုပ်ကျင်းပခဲ့ပါတယ်။
ကန်တော့ခံသက်ကြီးအနုပညာရှင်အယောက် ၂၀ ကိုသာ ဖိတ်ကြားခဲ့ပြီး ကန်တော့ခံသက်ကြီးအနုပညာ ရှင်တစ်ဦးကို ရုပ်ရှင်အစည်းအရုံးက နှစ်သိန်းကျပ်၊ Forever Group က ငါးသောင်းကျပ်၊ အကယ်ဒမီအေး မြတ်သူက တစ်သောင်းကျပ်နဲ့ ဆေးဝါးပစ္စည်းတွေကိုကန်တော့ခဲ့ပါတယ်။
လှူဖွယ်ပစ္စည်းတွေကို ဒီကနေ့ကစပြီး မြန်မာနိုင်ငံရုပ်ရှင်အစည်းအရုံးမှာလာရောက်ထုတ်ယူနိုင်ပြီး မလာရောက်နိုင်တဲ့သက်ကြီးအနုပညာရှင်တွေအတွက်အိမ်တိုင်ရာရောက်ပို့ဆောင်ပေးသွားမှာပါ။
ဒီနှစ်ရဲ့ရုပ်ရှင်သက်ကြီးပူဇော်ပွဲဟာ ၄၃ကြိမ်မြောက်အဖြစ် ကျင်းပတာဖြစ်ပြီး ကန်တော့ခံသက်ကြီးအနုပညာရှင် ၁၆၀ ရှိတယ်လို့သိရပါတယ်။
သတင်း - အေးမြတ်

Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook:   / 7dayonlinetv  
Twitter:   / 7day_tv