🇬🇪 საფრთხე, რომელსაც არ ვხედავთ - ეროვნული უსაფრთხოება (010)

Описание: საფრთხე, რომელსაც არ ვხედავთ.
თუ ჩვენ ვამბობთ, რომ ჩვენი ძალა ერთობაშია, ჩვენმა მტერმაც ხომ კარგად იცის, რომ ჩვენი სისუსტე დაქსაქსულობაა.
ამიტომ ვმსჯელობ ისეთ საფრთხეზე, როგორიც არის საქართველოს დეზინტეგრაცია, როგორც მტრული სტრატეგია ჩვენი „ძალა ერთობაშია“-ს საწინააღმდეგოდ.
დეზინტეგრაცია ეს არის ტერმინი, რომელიც სხვადასხვა სფეროს სამეცნიერო-კვლევით პუბლიკაციებში გვხვდება, მათ შორის საერთაშორისო და პოლიტიკურ ნაშრომებში, რაც ძირითადად სახელმწიფოებრივი სუვერენიტეტის მოშლის მნიშვნელობით არის ნაგულისხმები.
უფრო ნაკლებად საჯაროა ტერმინი „დეზინტეგრაცია“, როგორც ჰიბრიდული ომის ფუნდამენტური სტრატეგია, რომლის სამიზნე ობიექტია სახელმწიფოს ტერიტორიული მთლიანობა, ეკონომიკა, საზოგადოება და პოლიტიკური ადმინისტრაცია. სამივე თემაზე მოგვიანებით დეტალურად ვისაუბრებ და დავინახავთ, რომ ყველა სამიზნეზე მიმდინარეობს შეტევა საქართველოში.
საქართველოს დეზინტეგრაციის სტრატეგია ჩვენს წინააღმდეგ მომართული ჰიბრიდული ომის შემადგენელია, და მას აქვს თავისი სამიზნეები.
ჩვენი მოწინააღმდეგე ცდილობს არსებით სფეროებში მოგვაყენოს ზიანი და მოგვშალოს, როგორც ერი და სახელმწიფო.
ეს სფეროებია:
საზოგადოება, პოლიტიკა, საჯარო სამსახური, ეკონომიკა და ტერიტორიული მთლიანობა.
ჰიბრიდული ომის პირობებში, ჩვენ კარგად უნდა გვესმოდეს, რომ მოცემულობა მუდმივად ცვალებადია და ყველაზე უმთავრესი არის ის, რომ თუ ჩვენ ვაქტიურობთ - ჩვენ ვქმნით ჩვენთვის ხელსაყრელ ვითარებას და მოცემულობაც ჩვენს სასარგებლოდ იცვლება.
ჩვენ კარგად უნდა გვესმოდეს, რომ არ არსებობს გამოუვალი მდგომარეობა, რაც არ უნდა პროგრესი ქონდეს ჩვენს მოწინააღმდეგეს, ჩვენი ერთობით და სწორი მიდგომების გატარებით, ყოველთვის შეგვიძლია შევცვალოთ ვითარება ჩვენს სასარგებლოდ.
საზოგადოების ცნობიერების ამაღლება, რაც განათლებაზე და კულტურულ განვითარებაზე გადის და მოწინააღმდეგესაც შესაბამისად უჭირს თავისი მიზნების განხორციელება.
ცნობიერების ამაღლება, განათლება, მაღალი საზოგადოებრივი კულტურა არის ჩვენი, როგორც ერის და როგორც სახელმწიფოს, წარმატების გარანტია.
ამისთვის კი საჭიროა ისევ წიგნიერი ერი გავხდეთ. ეს კი მოიტანს მაღალ პოლიტიკურ კულტურას, ეს მოიტანს პროფესიონალებს საჯარო სამსახურში, ეს მოიტანს მძლავრ ეკონომიკას, ეს მოიტანს საქართველოს ტერიტორიული მთლიანობის აღდგენას და ეს იქნება გარანტია საქართველოს სახელმწიფოებრივი მდგრადობის.
ჩვენი მტერი ვერ მოახერხებს საქართველოს ტერიტორიულ დეზინტეგრაციას.
ჩვენი მტერი ვერ მოახერხებს ეკონომიკურ დეზინტეგრაციას, გვექნება მაღალი შემოსავლები და საერთოდ არ ვიქნებით დამოკიდებული დონაციაზე.
ჩვენი მტერი ვერ მოახერხებს საზოგადოებრივ დეზინტეგრაციას, ვერც გამოკითხვებით მანიპულირებით და ვერც ცრუ სტერეოტიპების შექმნით.
ჩვენი მტერი ვერ მოახერხებს პოლიტიკურ დეზინტეგრაციას, და სახელმწიფოს მმართველობა თანხვედრაში იქნება ერის დაკვეთასთან.
გაცილებით დეტალურად არის შესაძლებელი თითოეულ სფეროზე ვისაუბრო, კონკრეტული გეგმების და მოქმედებების გაწერით, რაც აჩვენებს, რომ ყველაფერი მიღწევადია - მთავარი უნდა გვესმოდეს, ჩემს გასაკეთებელს სხვა ვერავინ გააკეთებს ჩემზე უკეთ.