Leader - في اشي غلط | Something is wrong 2024

Описание: ‎اذا عجبك التراك لا تنسى تعمل لايك وتشترك بالقناة وتفعل الجرس عشان يوصلك الشغل الجديد ♥️.

Follow Leader35 :

Instagram :   / m35.sa  

TikTok :   / leader.35  

SoundCloud:   / xdq7tcnmnbn2tv576  

Mix & Mastering : Leader35

Video By : Leader35
الكلمات:

شعور غريب تصاحب الكل وتحارب حالك
تفهم كل اللي حولك بس ما تعرف شو مالك
خذلانك صار اعتيادي وخوفك صار عادي
بالوقت اللي لازم تصرخ بتكون جداً هادي
هون بتعرف انو فعلاً في اشي غلط
وتحس لو تنام وتصحى بتتغير خلص
وتصحى ثاني يوم وتعرف انو النوم بطل راحة
وتعرف انك صرت بس بالوحدة بتتعافى

حقلك شوي عن اخر ايامي الي مضت
زارني طيف بليلي وقلبي رجع انحرق
قمت من نومي وما كانت حمرة عيوني
عرفت اني ما كنت نايم واني حلمت تكوني
جنبي، ما بحكي عني هاي بس اغنيه
اليوم ناسيكي وبطلتي عايشة فيي
وهاي مجرد اوهام بتدور براسي وبكتبها
بحاول اقتلها وبنفس الوقت بحضنها

اخترتني من الكل؟ نصحتك من الاول تبعد
قلتلك مش حفيدك واني جداً سيء
صدقني ما بتعرفني حتى لو بتعرفني
الشخص الي قدامك هو اكثر واحد حاربني
وهو اكثر واحد تركني لما احتجتو
وهو اكثر واحد سندني لما سبتو
وهو اكثر واحد تركني وقت الجد
وهو اكثر واحد واساني لما مضلش حد

انفصام واوهام شهور وايام
عشتها وكنت فيها بقدرش انام
ومحدش كان فالبال غير اللي تمنيت انساه
كإنو بعاند حالي بنسى حياتي وبستناه

بتذكر اول ليلة ادركت فيها شو اللي صار
بشهر ١٢ بعد سنة من الفراق
كنت يومها جد مش منيح
ضليت احكي مع المراي عشان اكون صريح

سألت حالي ليش لليوم بتيجي فبالي؟
جاوبت حالي بتستاهل انت اخترت تعاني
ف حتى انا كنت مش فاهمني
وتمنيت يومها انو روحي تطلع مني

لاني مهما احكي في شغلات ما بتنحكى
دمعة وحدة مانرلت بس يومها قلبي بكى
والبرد بجمَد جسمي وكانت غصة بصدري
في شغلات عشتها لو عشتيها رح تنفصمي

لا تنصدمي، كسرت قلب شخص حبّني
كإني كاس ورح تتسم لو تشربني
علّمتك الحياة وعلمتيني مكونش انا
واني البس وجه ثاني بلكي حزني انتهى

ف هيك تمام، تقاسمنا كلشي بالتساوي
اخذتي حياتي وخليتيني مع سوادي
اخذتي كل ايامي، وخليتيني مع الماضي
ضليت مع كوايسي وانتي اخذتي كل احلامي

ف عادي، بزت همومي كلها على الورق
فش راحة واليوم صاحبي هو الارق
وكتبت الف تراك بس اليوم كلو انحرق
حاسس حالي بالماضي وحاسس في اشي غلط