Mergen x Umay - Son Ümid Limanı ( mix Deep House version)

Описание: Vərdişlərini silmək vaxt alar,
Ruh rahatlığını daim axtarar.

Döyünür daxilimdə tənha həsrətin
Ağrısı azalmaz ağır qürbətin
Zamanın qanadı qırılıb, uçammır
Varlığım bu dar qəfəsdən qaçammır
Güzgülər yadlaşır, çöhrəm tanınmaz
Hicran dənizi sahilə sığmaz
Gecənin bağrında ulduzlar sönər
Ruhum bu zülmətdə məzara dönər

Zamanın gözünnən yaş axar süzülər
Ümidin sapları düyün tək büzülər
Həsrətin çəkisi çiynimi əyər
Varlığın bütöv dünyama dəyər

Ruhun ruhumun son ümid limanı
Yoxluğun tükədir qəlbdə imanı
Kölgə tək izləyir bu həsrət məni
Səhra susuzluğu tək istərəm səni
Qayıt, qərq olum mən o baxışına
Sığınım ömrünün hər naxışına

Yolların yorğun baxışımda can verir
Xatirə yarası hər gün qan verir
Sənsizlik rəngini ruhuma hopdurur
Zülmət dörd yanı qorxuyla doldurur
Ay batır, şəfəqlər qana boyanır
Bu saxta həyatda kimlər dayanır?
Göz yaşım torpağa həsrəti əkər
Taleyim qarşımda başını bükər

Məsafələr ruhumun sonsuz kədəri
Bitməyən ağrının acı xəbəri
Sənsizliyin rəngi hər yanı bürüyür
Ümidin ayağı yalın sürünür

Ruhun ruhumun son ümid limanı
Yoxluğun tükədir qəlbdə imanı
Kölgə tək izləyir bu həsrət məni
Səhra susuzluğu tək istərəm səni
Qayıt, qərq olum mən o baxışına
Sığınım ömrünün hər naxışına

Bitməyən bir həsrət var qəlbimdə,
Artan bir rəqəm də sənsən dərdimdə.

Sözlər: Dərya Vəliyev
Musiqi: Suno & Dərya Vəliyev

All rights reserved VD Pro ©️ 2026

#deephouse #dryvlyv #dj