AVROPA İNSAN HAQLARI KOMİSSARI SEÇİLƏCƏK

Описание: Bu gün Avropa Şurası Parlament Assambleyasında Avropa insan haqları komissarının seçkisi keçiriləcək. Azərbaycanın Assambleyadakı nümayəndə heyətinin üzvü Qənirə Paşayeva bildirir ki, azərbaycanlı deputatlar bu vəzifəyə namizədlərlə görüşüblər. Və indiki komissarın fəaliyyətindən ciddi şəkildə narazı olduqlarınI bildiriblər.
Sabah Ermənistan prezidenti Serj Sarkisyanın da AŞPA sessiyasında çıxışı gözlənilir. Azərbaycanlı deputatlar müxtəlif qruplar tərkibində görüşlər keçirərək Sarkisyana veriləcək suallar arasında Azərbaycan torpaqlarının işğalı, AŞPA və BMT qətnamələrinin yerinə yetirilməməsi ilə bağlı məsələlərin olması barədə tələb irəli sürürlər. Assambleyanın Azad Demokratlar qrupu çərçivəsində görüşündə bu məsələlər ciddi şəkildə qaldırılıb. Qeyd olunub ki, AŞPA-da Ermənistan prezidentindən bu təşkilatın qəbul etdiyi qərarları icra etməməsi barədə nəinki soruşmalı, ümumiyyətlə ona qarşı sərt tələblərə çıxış etməlidir.
Qənirə Paşayeva bildirir ki, Azərbaycan nümayəndə heyətinin üzvləri qış sessiyasının gedişi zamanı Dağlıq Qarabağ həqiqətlərini səsləndirəcək, AŞPA-nın qəbul etdiyi qətnamələrin yerinə yetirilməsi istiqamətində Ermənistana təsir və təzyiq göstərilməsini tələb edəəklər. Yəqin ki, bu işdə Azərbaycan nümayəndə heyətinin sədri Səməd Seyidovun AŞPA vitse-prezidentlərindən biri olması da böyük rol oynayacaq.