Gwilym x Hana Lili - cynbohir

Описание: Mae’r band indie-pop Gwilym yn ôl gyda’u sengl newydd sbon ‘cynbohir’. ‘cynbohir’ yw’r sengl gyntaf oddi ar eu halbwm hynod ddisgwyliedig, gyda dyddiad rhyddhau wedi’i bensilio ar gyfer yr Hydref. Er ei fod yn dal yn arwyddocaol o elfennau poblogaidd y band (alawon bachog sy’n sicr o fyw yn ‘rent-free’ yn eich pen drwy’r haf) mae ‘cynbohir’ yn rhoi cipolwg ar gyfeiriad sonig newydd y pumawd. Mae'r trac yn arddangos un o sêr newydd y sîn pop yng Nghaerdydd - Hana Lili, ac mae’n cael ei ryddhau ar Fehefin 17eg, 2022 trwy'r label annibynnol Recordiau Côsh.

Cynhyrchu a Cyfarwyddo - Aled Wyn Jones
DOP a Cyfarwyddo - Andy Pritchard
Camerau ychwanegol - Sion Gwyn a Jamie Walker
Actorion - Steven Andrew a Becca Naiga

LYRICS:

VERSE 1
Di’r byd ar fai,
Am osod hyn o dy flaen di
Ti’n un gwael am feddwl am orfeddwl llai,
Byw rhwng dau.
Dwi’n gaddo fydda a’i ar dy ôl di.
Ma’n bryd ini gamu’m mlaen
Yn groes i’r graen

PRE
Ai ni di’r rhai
Sy angan bach o ffydd yn ein canol.
Ai ni di’r rhai ffôl.

CHORUS
Cyn yfory,
Cyn ‘ni golli,
Rhaid ‘ni adal cyn bo hir,
Fydd petha’ yn gwella
Yfory
Ma’n bryd ‘ni godi
Rhaid ‘ni adael cyn bo hir,
Fydd petha’ yn gwella.

VERSE 2
Da ni ar fai
Dyfodol i gyd o dy flaen di
Ac wrth ‘ni fynd yn hŷn ma’r oriau yn byrhau.
Byw rhwng dau,
Dwi’n gaddo fyddai ar dy ôl di.

Dwi’n mynd a dod
Dwi’n gaeth i fy nheimlada’
Ond
Sa’m byd yn bod,
Ma’ petha’ yn gwella

Cerddoriaeth newydd a diwylliant cyfoes Cymru 🏴󠁧󠁢󠁷󠁬󠁳󠁿
New Welsh music and contemporary culture 🏴󠁧󠁢󠁷󠁬󠁳󠁿

Gwasga'r botwm 'Subscribe'

TikTok, Instagram, Twitter & Facebook - @Lwps4c