ye tapamulu yela ye daanamulu yela

Описание: #NC_SRIDEVI #ఏతపములు_యేల_యే_దానములు_యేల
#అన్నమయ్య_అక్షర_వేదం

🌺🍃🌺🍃🌺🍃🌺🍃🌺🍃

అన్నమయ్య అక్షర వేదం ..సంపుటి -- 85
(  ఏ తపములు యేల.. ఏ దానములు యేల.. )

🌺🍃🌺🍃🌺🍃🌺🍃🌺🍃

ఓం నమో వేంకటేశాయ.🙏🙏
అందరికీ  శుభ శనివారము
✍️  --- మీ వేణుగోపాల్

అన్నమయ్య అక్షర వేదం ..సంపుటి -- 85 కి శుభ స్వాగతం
✍️ ..మీ వేణుగోపాల్.


సం సారజీమూత సం ఘంబు విచ్చునే? ;
చ క్రిదాస్యప్రభం జ నము లేక;
తా పత్రయాభీల దా వాగ్ను లాఱునే? ;
వి ష్ణుసేవామృత వృ ష్టి లేక;

✍️✍️ పోతనామాత్యులు( భాగవతము )

భావము ః-- 🌹🌹
పెద్ద గాలి ప్రభంజనంలా విసరక పోతే,
గుంపులు కట్టిన కారు మబ్బులు విడిపోవు కదా. అలాగే చక్రధారి అయిన విష్ణుమూర్తి సేవ లేకుండా , సంసార బంధాలు తొలగిపోవు.
శ్రీహరి కైంకర్యం అనే అమృతపు వాన జల్లు కురవక పోతే,
సంసారమనే అడవిలో చెలరేగే తాపత్రయాలు అనే భయంకరమైన దావాగ్ని చల్లారదు.
🌹🌹🙏

అని విష్ణు మూర్తి సేవ వలన  భవ బంధాలనుంచి ఎలా విముక్తలమౌతామో పోతనామాత్యులు , ప్రహ్లాదుని చేత పలిలకించినట్టుగా ,
అన్నమాచార్యులు కూడా విష్ణు సేవే మన జన్మకి సార్ధకత నిచ్చునువని అంటున్నారు .🙏🙏

మరి ఆ చక్కటి   సంకీర్తన అర్ధము తెలుసుకుని పాడుకుందామా ఈ వారము !! 🙏

🌹🌹
ఎన్ని తపములు చేసినా ఏమి ప్రయోజనము .
ఎన్ని దానములు చేసినా ఏమి ప్రయోజనము .
అవి అన్నియు నువ్వు విష్ణుని సేవగా భావించక చేసితే నిష్ప్రయోజనములే .
శ్రీ మహాలక్ష్మికి పతియైన ఆ శ్రీమన్నారాయణుని సేవ గా భావించి అన్ని పనులూ చేస్తేనే , మన జన్మ సఫలమయ్యేను గదా !! .🌹🌹🙏

🌹🌹
దేహమునుండే ఉత్పన్నమయ్యే ఇంద్రియపు వాంఛలన్నియును  బయటకు ప్రజ్వరిల్లకుండా , మనదేహములోనే అణిచివేయగలిగినప్పుడు కదా ,
ఈ దేహము భగవత్స్వరూపమై భాసెల్లేది .అప్పుడేకదా దేముడు మన దేహములోనే అంతరాత్మగా చేరి మనల్ని దైవ స్వరూపులుగా మార్చేది .
🌹🌹🙏

🌹🌹
మన రూపునూ , దేవుని స్వరూపమునూ , బాహ్యమున చూచు ప్రయత్నము చేసి విఫలమవుటకంటే , అంతర్ వీక్షణ గావించి తెలుసుకుంటే , అందరు దేవతలు , మనలోనే ఉన్నరీతిని , మనకుమనమే కనుగొనవచ్చును కదా !! 🌹🌹🙏

🌹🌹
ప్రతిదినము మనము ఉచ్చ్వాశ నిశ్వాశలుగా ,
నిరాశ, నిస్పృహ, అరిషడ్వర్గములను బయటకు వదులుచుంటిమి. ఈ ప్రతికూల శ్వాసలను అదుపులోనుంచి , బయటకు విడవకుండా , ఆ శ్వాసలయందు ధ్యాస నిలుపుటయే కదా మనము కూడబెట్టుకున్న తపోధనము .ఇంతకు మించిన తపస్సు వేరొకటి లేదు కదా !
🌹🌹🙏

🌹🌹
మన మదిలోన నుండీ చెలరేగు ఆలోచనా సుడులన్నియూ , మనలోనే లయము చేసుకొను నేర్పరితనము అలవరుచుకుంటే , పాపము పుణ్యము అను బంధములన్నియూ లయము చేసుకుని విముక్తులమైనట్టే గదా !
🌹🌹🙏

🌹🌹
మన కర్మలన్నియూ దైవాధీనములు , దైవానుగ్రహములు అన్న భావనతో చిత్తశుధ్ధిగా చేస్తూ , సంసారిక విషయముల పట్ల విశేషమైన ఆసక్తి కనబరచుకుండా , మాధవ సేవ చేసుకుంటూ ఉంటే , అన్నిటికంటే ముందుగానే , మనము జీవించి ఉన్నప్పుడే విముక్తలమైనట్టు కదా !!
🌹🌹🙏

🌹🌹
సరే మరి ఇవన్నీ మనకు ఎలా అబ్బేది ? మనకు సాధ్యమేనా ??
ముమ్మాటికీ సాధ్యమే ! సాధ్యము చేయువాడు శ్రీ వేంకటేశ్వరుడు !
ఆతని చరణకమలములను, అన్నిటికీ ఒప్పుగా తలంచి , ఆయన పాదముల చెంత శరణనుచు వేడుకుంటే , మనకి అర్హమైన దివ్యపదమునకు  ఆయనే తప్పక చేర్చగలడు !! 🌹🌹🙏


ఓమ్ నమో వేంకటేశాయ .!! 🙏

తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..
దోషములున్న...మన్నించమని విన్నపము... 🙏🙏

( అన్నమయ్య అక్షర వేదం --- సంపుటి 85 )
✍️ - మీ వేణుగోపాల్🙏

🌺🍃🌺🍃🌺🍃🌺🍃🌺🍃

        🌹🌹 సంకీర్తన 🌹🌹👇

॥పల్లవి॥ 
ఏ తపములు నేల యే దానములు నేల
శ్రీతరుణీపతినిత్యసేవే జన్మఫలము

॥చ1॥ 
దేహపుటింద్రియముల దేహమందే యణఁచుటే
దేహముతోనే తాను దేవుఁడౌట
సోహలను వెలిఁ జూచేచూపు లోను చూచుటే
ఆహా దేవతలఁ దనందే తాఁ గనుట

॥చ2॥

వెలి నిట్టూరుపుగాలి వెళ్ళకుండా నాఁగుటే
కులికి తపోధనము గూడపెట్టుట
తలఁపు తనందే తగ లయము సేయుట
లలిఁ బాపబంధముల లయము సేయుట

॥చ3॥ 

వెనక సంసారమందు విషయ విముక్తుఁడౌటే
మునుపనే తా జీవన్ముక్తుఁడౌట
పనివి శ్రీవేంకటేశుపదములు శరణంటే
అనువైన దివ్యపదమప్పుడే తా నందుట

🌺🍃🌺🍃🌺🍃🌺🍃🌺🍃

#ANNAMAYYA_AKSHARA_VEDAM_EPISODE_85

( #YE_TAPAMULU_YELA_YE DAANAMULU YELA ..)

🌺🍃🌺🍃🌺🍃🌺🍃🌺🍃

🌹🌹
What For ?? Are These Penances !
What For ? Are These Charities !
Unlees You Treat , The Consistent Service
To the Lord Of SriMahalakshmi as The Fruit Of Your Life.
🌹🌹🙏

🌹🌹
Let The Senses Of Your Body
Be Suppressed In the Body Itself.
Then Only You Can Become The Conscious Soul !!
🌹🌹🙏

🌹🌹
Being with your Body Itself !!
Instead Of Loking Yourself And The Paramatman
In The Outer World !
Look At The Supreme Soul Within !!
🌹🌹🙏

🌹🌹
Holla !! Oh !! When You Transform , You Can See The Divine Within Yourself !!
🌹🌹🙏

🌹🌹
Do Not Let Out Your Deep Sigh Of Despair !!
Instead Hold It Within !
This Is The Treasure Of All Penances You Can Accumulate In Your Hand.
🌹🌹🙏

🌹🌹
Annihilate All The Raging Thoughts In Yourself Aptly.
The Sinful Bondages Can Be Anihilated Gracefully
By Controlling Your Thoughts Alone ..
🌹🌹🙏

🌹🌹
Liberating From Worldly Affairs By Yourself.
This Is The Key To Liberate Yourself At An Early Life !!.
🌹🌹🙏

🌹🌹
Only By Obeying And Seeking
The Refuge Of The Holy feet Of Lord Sri Venkateswara!!
Only Then !! You Can Recieve Suitably The Eternal Bliss From The Lord !!
🌹🌹🙏


OM NAMO VENKATESAYA
🙏🙏🙏

✍️ --VENUGOPAL