Жастар сыбайлас жемқорлыққа қарсы: шығармашылық арқылы – саналыққа

Описание: Теміртауда өткен «Сыбайлас жемқорлыққа жол жоқ!» атты әлеуметтік бейнероликтер байқауы қала жастарын біріктірді. Қатысушылар өз азаматтық ұстанымдарын білдіріп, адалдық пен жауапкершіліктің маңызын шығармашылық арқылы жеткізді. Іс-шара Теміртау қаласының әкімдігінің қолдауымен ұйымдастырылды.
Дана Санаубаева "Қарағанды облысы кәсіпкерлерінің Ассоциациясы" қоғамдық бірлестігі менеджері: «Менің ойымша, бұл өте жақсы құрал. Жастар өз ойын еркін жеткізуі үшін мүмкіндік. Себебі шығармашылық – кез келген ақпаратты жеткізудің тілі. Бүгінгі байқау жастардың белсенді екенін көрсетті, олардың идеялары көп, көзқарастары әртүрлі. Әлеуметтік маңызды тақырыптарды шығармашылық арқылы көрсету өз жемісін береді».
Мұндай байқаулар тек креативті ойлауды дамытып қана қоймай, жастардың өз еңбектері арқылы қоғамдағы өзекті мәселелерді терең түсінуіне мүмкіндік береді.
Дана Санаубаева менеджер ОО Ассоциация предпринимателей Карагандинской области: «Жастар актерлік ойын және бейнедегі түрлі элементтер арқылы өз идеяларын жеткізе алды. Жалпы, белгілі бір тақырыпты алған кезде адам соған терең үңіледі, ақпарат іздейді, көбірек біледі және бұл оның санасында қалады. 03:35+04:00 Сондықтан осындай байқау түрлері өз тиімділігін көрсетеді».
Биыл байқауға 24 бейнеролик ұсынылды. Әрқайсысы адалдық пен әділдік тақырыбына жеке көзқарас және шығармашылық ерекшелік тұрғысынан түсірілген.
Азамат Сыдыков, видеомейкер: «Шынында мен бір таныс құрбымның жолдар туралы ролигін көріп, шабыт алдым. Содан кейін сыбайлас жемқорлыққа қарсы байқау болатынын естіп, тез сценарий жазып, басымда шамамен кадр жоспарын жасап, солай түсірдік. Өте керемет сезім, айтып жеткізу қиын. Өткен жылы есірткіге қарсы байқауда 3-орын алған едім. Ал қазір – сөзбен айтып жеткізу мүмкін емес».
Көптеген қатысушылар үшін бұл байқау өздерін көрсету ғана емес, қоғамға маңызды ойды жеткізу мүмкіндігі болды – сыбайлас жемқорлыққа қарсы тұру әр адамның әділеттігінен басталады.
Асия Жалгасова, жоба қатысушысы: «Мен қоғамға дұрыс ой мен ұстанымды жеткізгім келді – яғни алуға да, беруге де болмайды деген ойды. Сондықтан мен барынша қысқа уақытта роликті жасап, жариялауға тырыстым. Мен достарымның жанында отырдым, олар менен бұрын айқайлап, қуанды. Өзім қатты таңғалдым».
Байқау көрермендер арасында да үлкен қызығушылық тудырды. Волонтерлердің айтуынша, мұндай жобалар қатысушылардың азаматтық белсенділігін арттыруға ықпал етеді.
София Воронко, «Шанырақ» орталығының еріктісі: «Шынын айтсам, роликтер өте ұнады, тәрбиелік мәні зор. Ең бастысы – жастардың байқауға жауапкершілікпен қарағаны қуантады. Менің ойымша, бұл тақырып қазір де, болашақта да өзекті болады. Жастардың мұны білуі маңызды. Болашақта мұндай жағдайлар аз болу үшін әркім шыншыл болуы тиіс. Ал егер адам өз-өзіне адал болса, онда ол өзгелерге де, барлық ортада да солай болады».
Сыбайлас жемқорлыққа қарсы ағарту жұмыстары тек осы байқаумен шектелмейді. Жоба жыл бойы жүзеге асырылады — кездесулер, науқандар, семинарлар өтеді. Қатысушылардың айтуынша, бұл жүйелі жұмыс өз нәтижесін беріп, жастармен жаңа форматта байланыс орнатуға мүмкіндік туғызады.