6 ចំណុច "គន្លឹះដើម្បីប្រែក្លាយខ្លួនពីភាពបរាជ័យទៅកាន់ភាពជោគជ័យ"

Описание: ការបរាជ័យត្រូវបានមនុស្សមួយចំនួនចាត់ទុកជាផ្នែកមួយនៃជីវិតរបស់ពួកគេ ជាពិសេសចំពោះអ្នកជំនួញតែម្ដង។ មិនថាយើង មិនថាគេតែងតែមានអារម្មណ៍ថាអាម៉ាស់នៅពេលដែលយើងបរាជ័យក្នុងការធ្វើអ្វីមួយ។ ការធ្លាក់ការប្រឡងគឺជាឧទាហរណ៍ជាក់ស្ដែង។ តែប្រសិនបើអ្នកបញ្ឈប់ភាពខ្មាស់អៀននឹងភាពបរាជ័យទាំងនោះ និងចាត់ទុកវាថាជាមេរៀន នោះ ថ្ងៃណាមួយអ្នកនឹងទទួូលបានលទ្ធិផលជាទីគាប់ចិត្ត។ ដូច្នេះយើងគួរតែបញ្ឈប់ភាពភ័យខ្លាចនឹងការបរាជ័យ និងប្រែក្លាយការបរាជ័យទាំងនោះទៅជាអត្ថប្រយោជន៏របស់យើងវិញ។ ខាងក្រោមនេះគឺជាវិធីសាស្ត្រមួយចំនួនដែលប្រហែលជាអាចជួយអ្នកបាន។

១. កំហុសគឺមិនមែនជាបញ្ហាសម្រាប់អ្នកនោះទេ ប៉ុន្តែការដែលមិនចេះចាប់យកឱកាសដើម្បីសិក្សាពីពួកវាទើបជាបញ្ហា។ មានមនុស្សជោគជ័យជាច្រើននាក់ធ្លាប់មានបទពិសោធន៏នឹងការបរាជ័យនៅក្នុងឆាកជិវិតរបស់ពួកគេ។ ក៏ប៉ុន្តែ ពួកគេមិនបានបាក់ទឺកចិត្តនោះទេ។ ពួកគេចាត់ទុកការបរាជ័យជាមេរៀនរបស់ពួកគេ ដោយសារតែកំហុសទាំងនោះគឺជាឱកាសដ៏មានសក្តានុពលមួយសម្រាប់ការរីកចម្រើន និងជោគជ័យរបស់ពួកគេនាពេលអនាគត។

២. ចូរប្រុងប្រយ័ត្នរាល់ពាក្យសម្ដីដែលអ្នកនិយាយទៅកាន់ខ្លួនអ្នក ព្រោះអ្នកខ្លួនឯងកំពុងតែស្ដាប់។ ការនិយាយទៅកាន់ខ្លួនអ្នកពីរឿងអវិជ្ជមានគឺពិតជាជះឥទ្ធិពលខ្លាំងណាស់ចំពោះខ្លួនអ្នក ពិសេសក្រោយពេលដែលអ្នកជួបនូវភាពបរាជ័យ។ ដូច្នេះ យើងមិនគួរទុកភាពបរាជ័យនៅក្នុងខ្លួនយើងយូរពេកនោះទេ។ យើងគួរតែធ្វើអ្វីគ្រប់យ៉ាងដើម្បីបញ្ជៀសខ្លួនអ្នកពីការបាក់ទឹកចិត្តក្នុងដំណើរទៅកាន់ភាពជោគជ័យ។

៣. វាជាការល្អប្រសើរការដែលអ្នកធ្វើអ្វីមួយដែលមិនបានល្អឥតខ្ចោះ ជាជាងមិនបានធ្វើអ្វីទាល់តែសោះ។ ត្រូវចាំថា ជនដែលបរាជ័យពិតប្រាកដគឺមិនមានសកម្មភាពអ្វីទាល់តែសោះនិយាយដោយឡែក ឬមិនហ៊ានប្រឈមមុខនឹងហានីភ័យនិយាយជារួម។ នៅពេលដែលបញ្ឈប់រាល់សកម្មភាពរបស់អ្នកនៅពេលដែលអ្នកបរាជ័យ អ្នកនឹងនៅតែបរាជ័យ ខណៈពេលដែលអ្នកឯទៀតកំពុងតែចាប់ផ្ដើមសកម្មភាពរបស់ពួកគេសារជាថ្មីដើម្បីឈានទៅរកភាពជោគជ័យ។

៤. សត្រូវនៃភាពជោគជ័យគឺជាការភ័យខ្លាចនឹងការបរាជ័យ។ ការបរាជ័យមិនមែនជាការគម្រាមគំហែងដ៏ចម្បងរបស់អ្នកបរាជ័យនោះទេ។ តែភាពភ័យខ្លាចនឹងការបរាជ័យទើបជាឧបសគ្គសម្រាប់អ្នកបរាជ័យក្នុងការធ្វើអ្វីមួយ។ នៅពេលដែលអ្នកជំនះរាល់ការភ័យខ្លាចទាំងនោះ ក៏ប្រហែលជាពេលដែលអ្នកកំពុងតែស្ថិតនៅលើវិថីមួយដែលកំពុងឆ្ពោះទៅកាន់ភាពជោគជ័យ។

៥. សកម្មភាពដែលមានភាពស្ថិតស្ថេរបង្កើតនូវលទ្ធផលមួយអមតៈ។ កម្លាំងចិត្តមិនមែនបានមកពីអ្វីដែលអ្នកអាចធ្វើបាននោះទេ តែវាបានមកពីការហ្វឹកហាត់នូវអ្វីដែលអ្នកធ្លាប់គិតថាអ្នកនឹនអាចធ្វើបាន។ ដូច្នេះ អ្នកអាចបាក់ទឹកចិត្តបាន។ ទន្ទឹមគ្នានោះ អ្នកក៏ត្រូវមានជំនឿចិត្តថាអ្នកអាចកម្ចាត់ជម្ងឺបាក់ទឺកចិត្តទាំងនោះ និងបន្តដើរដើរទៅមុខទៀតដោយមិនមានភាពរុញរា។ កម្លាំងចិត្តមួយដែលមានភាពស្ថិតស្ថេរគឺជាគន្លឹះដើម្បីជម្រុញអោយអ្នកទទួលបាននូវភាពជោគជ័យ។

៦. អ្នកមិនអាចធ្វើវាបានតែម្នាក់ឯងនោះទេ ហើយអ្នកមិនត្រូវធ្វើវាបានតែម្នាក់ឯងដែរ។ ពេលខ្លះ ការបរាជ័យធ្វើអោយយើងនៅនឹងត្រឹងមួយកន្លែងដោយមិនអាចជៀសផុតពីផ្លូវចាស់របស់យើងបាន។ យើងត្រូវការជំនួយដើម្បីជួយឱ្យយើងឆ្លងផុតពីដំណាក់កាលដ៏អាក្រក់មួយនេះ។ រឿងដែលអាក្រក់បំផុតនោះគឺយើងគិតថាយើងអាចដោះស្រាយបញ្ហាអ្វីមួយតែម្នាក់ឯង។ អ្នកកំពុងតែយល់ខុសហើយប្រសិនបើអ្នកកំពុងតែគិតដូច្នេះ។ អ្នកគួរតែទៅរកជំនួយពីអ្នកដែលនៅជុំវិញខ្លួនអ្នកដើម្បីបង្ហាញផ្លូវអ្នកអោយដើរនៅលើផ្លូវមួយដ៏ត្រឹមត្រូវក្នុងការឈានទៅដល់ការសម្រេចបាននូវមហិច្ឆតារបស់អ្នក៕