DD News Mizoram Chanchinthar | 11 January 2026 | 6:30 PM

Описание: Mizoram chhung leh ram hrang hrang a thil thleng te :

Local 6:30 PM

1. Vawiin hi, Missionary Day vawi 132-na a nih angin Mizoram Baptist Kohhran hnuaia tualchhung Kohhran tinte chuan urhsun takin an hmang.

2. Mizoram Synod hnuaia Station Kohhran Biak In hrang hrangah Pastor leh Pro. Pastor Induction vawiin chawhnu khan neih a ni.

3. Vawiin hi Presbyterian Kohhran ni pawimawh - Kohhran din tan ni a nih angin, Tualchhung Kohhran tinah chawhnu inkhawm atangin hemi pual hian hun hman a ni.

4. Mizo Conference of Seventh-day Adventist hnuaia rawngbawltute tana buatsaih Ministerial Training chu January ni 7 atanga ni 11 chhungin Mizo Conference of SDA campus, 7th-day Tlang, Aizawlah neih a ni.

5. Excise & Narcotics Department chhinchhiah danin, nikum, 2025 chhung khan ruihhlo avangin mi 118 an thi a, kum 10 chhunga ruihhlo avanga thihna tam ber kum a ni.

6. Mizoram Universal Healthcare Scheme (MUHCS) hnuaia damlo 2,220 te chu Siaha Damdawi In pahnihah enkawl niin, a enkawlna senso hi Mizoram sawrkar chuan cheng nuai 435 sing1 sang 9955 a pe chhuak tawh bawk.

7. Champhai Police te chuan nizan khan heroin hawng 8 an man.

8. Tuihri leng avanga Lawngtlai district leh Myanmar inkalpawhna khar chu hlih a ni.

9. Nimin tlai dar 3:30 vel khan NH 6 Aizawl Road, Keifang atanga Kilometre 16 ah Pu Lalnunhlua Saitual khua chu thi a hmuh a ni a, a thih chhan chiang taka hriat a ni lo.

National 6:30 PM

1) Prime Minister Narendra Modi chu vawiin khan Gujarat-a Somnath Temple humhim nana nunna hlantute chawimawina 'Shaurya Yatra'-ah a tel.

2) Union Minister for Youth Affairs and Sports, Dr. Mansukh Mandaviya chu tukin khan khan New Delhi-a Fit India Sundays on Cycle vawi 56-naah a tel.

3) Union Home Minister Amit Shah chuan Kerala Assembly Inthlan atan BJP ‘Mission 2026’ a tlangzarh.

4) External Affairs Minister Dr. S. Jaishankar chuan France leh Luxembourg a tlawhna chuan India leh Europe inlaichinna a tinghet a ni, a ti.

5) India mi, Myanmar-a danin a phal loh thawk tura thlemluhte chhanchhuah an ni.

6) Bangladesh-ah Hindu tlangval thah a nih avangin tharum thawhna chungchangah sakhaw tlem zawkte ngaihthat lohna a tizual.

7) DGCA chuan Odisha-a IndiaOne Air mi 9 chuanna chesual chu Aircraft Accident Investigation Bureau in a chhui dawn tih a tarlang.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram