Қоғамдық тәртіп сақтау – басты мәселе

Описание: Қоғамдық тәртіп сақтау – басты мәселе. Сол себепті де бұл мәселе құқық қорғау органдарының бақылауында болуы шарт. Дегенмен, бүгінде қоғамдық тәртіпті сақтауға тек полиция қызметкерлері ғана емес, сондай-ақ ерікті жасақтар да ат салысып жүр. Дәл осындай күзеттік агенттіктен құрылған 6 ерікті жасақтыларға арнайы куәлік тапсырылды.
Димаш Калиакпаров, полицияның қоғамдық көмекшісі:
Бізде 6 күзетші бар. Олардың екеуі әрдайым ауысымға түседі. Біздің жұмысымыз таңғы сағат 9-дан басталады. Ал кешкі міндеттер полиция қызметкерімен бірге сағат 19:00-ден жүргізіледі. Осы кезден бастап біз кешкі патрульдеуге шығамыз. – деді қоғамдық көмекші.
Арнайы шара жалғасында белгілі болғандай мұндай игілікті бастамалар Ақмола облысы полиция департаменті мен жеке күзет компаниялары арасында жасалған меморандум шеңберінде жүзеге асып отырса керек. Осыған орай, қоғамдық көмекшілер қылмыстарды ашуда көмек қолын созса, арнайы сыйақылармен қошеметелетін де көрінеді.
Сакен Әбілмажинов, Степногорск қ. Полиция басқармасы бастығы у.м.а:
Патрульдеу жүргізеді, қоғамдық тәртіпті сақтау бойынша жұмыстар атқарады. Қаламыздың аумағындағы жол қауіпсіздігін сақтауды бақылайтын болады. Бүгінде мұндай жұмыстардың оң нәтижелерін көріп отырмыз. Сол себепті полицияның қоғамдық көмекшілерін арнайы куәліктерімен құттықтаймын. Полицейлермен бірге халық игілігі жолында еңбек етесіздер деген үміттемін. – деді Сакен Әбілмажинов.
Салтанатты табыстау рәсімінен соң қалалық басқарманың жұмыс жоспарына сай полицияның кешенді күштерінің жиыны ұйымдастырылып, онда жеке құрамның дайындығы тексерілді. Айтулы шаралар барысы күн сайын атқарылап, оған полицияның қоғамдық көмекшілері, жеке күзет компанияларының өкілдері және ішкі істер органдарының ардагерлері қатысатын көрінеді. Мұндағы басты мақсат – қоғамдық қауіпсіздік пен тәртіпті сақтау және қылмыстардың алдын-алу болса керек.


#mediastep #media #stepnogorsk #mediastepnogorsk #stepnogorsknews #aqmolanews #aqmola #aqmolaregion #kazakhstan #journalism #tv #news #степногорск #медиастепногорск #медиацентрстепногорск