លោក សុខ ទូច លើកឡើង ៣ចំណុច សម្រាប់ជាគន្លឹះរបស់កម្ពុជាចំពោះមុខនៃបញ្ហាសេដ្ឋកិច្ច និងទំនាក់ទំនងការបរទេស

Описание: វិដេអូ៖ លោក សុខ ទូច លើកឡើង ៣ចំណុច សម្រាប់ជាគន្លឹះរបស់កម្ពុជាចំពោះមុខនៃបញ្ហាសេដ្ឋកិច្ច និងទំនាក់ទំនងការបរទេស (Video inside)

(ភ្នំពេញ)៖ ក្នុងវេទិកាជជែកពិភាក្សាតុមូលស្តីពី «តើកម្ពុជាត្រៀមខ្លួនយ៉ាងដូចម្តេចសម្រាប់ថ្ងៃនេះ និងថ្ងៃស្អែក» នៅព្រឹកថ្ងៃទី២៨ ខែសីហា ឆ្នាំ២០២០នេះ លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានបង្ហាញចំណាប់អារម្មណ៍៣ចំណុច សម្រាប់ជាគន្លឹះរបស់កម្ពុជា ចំពោះមុខនៃវិបត្តិបញ្ហាសេដ្ឋកិច្ច និងទំនាក់ទំនងការបរទេសទាំងក្នុងតំបន់ និងលើពិភពលោក។

ការបង្ហាញចំណាប់អារម្មណ៍របស់ប្រធានរាជបណ្ឌិត្យសភាកម្ពុជារូបនេះ គឺដើម្បីការត្រៀមខ្លួនរបស់កម្ពុជា ចំពោះមុខនៃបញ្ហាសេដ្ឋកិច្ចបង្កឡើងដោយវិបត្តិជំងឺកូវីដ១៩ និងការដកប្រព័ន្ធអនុគ្រោះពន្ធពីសហភាពអឺរ៉ុបជាដើម។

ចំណុចទី១៖ តើកម្ពុជាធ្វើនយោបាយផ្ទៃក្នុងយ៉ាងដូចម្ត៉េច? ទី២៖ តើកម្ពុជា ត្រៀមខ្លួនយ៉ាងម៉េច? ចំណុចទី៣៖ តើកម្ពុជាមានអ្វីដើម្បីទាក់ទាញវិនិយោគនៅក្នុងឆាកអន្តរជាតិ ក្នុងតំបន់ដើម្បីធ្វើការវិនិយោគនៅកម្ពុជា?។

ជាមួយគ្នានេះដែរ លោកបណ្ឌិត សុខ ទូច ក៏បានបញ្ជាក់ថា បើទោះបីកម្ពុជាចុះកិច្ចព្រមព្រៀងពាណិជ្ជកម្មកម្ពុជា-ចិន បានចាប់ផ្តើមសិក្សាលទ្ធភាពលើការបង្កើត កិច្ចព្រមព្រៀងពាណិជ្ជកម្មសេរី FTA ចាប់ពីខែមករា ឆ្នាំ២០១៩។ ក៏រាជរដ្ឋាភិបានមិនបញ្ជាក់ថា ខ្លួនចាប់ដៃជាមួយប្រទេសចិនផ្តាច់មុខ បោះបង់អាមេរិក ឬមហាអំណាចផ្សេងៗនោះដែរ គឺរាជរដ្ឋាភិបាលកម្ពុជា ប្រើប្រាស់និយោបាយចម្រុះពណ៌ថ្នាក់ដឹកនាំប្រទេសកម្ពុជា គឺមិនមែនរើសអើងថា ប្រទេសនេះកុំម្មុយនីស្ត ឬសេរីនោះទេ គឺចាប់ដៃសហការទាំងអស់ ឱ្យតែប្រទេសទាំងនោះផ្តល់ផលប្រយោជន៍ជូនសង្គមជាតិ៕

ទូរទស្សន៍ព័ត៌មាន Fresh News ផ្សាយគ្របដណ្តប់ទូទាំងប្រទេសតាមរយៈផ្កាយរណប និងខ្សែកាប PPCTV ប៉ុស្តិ៍ 76, DTV ប៉ុស្តិ៍ 19, SkyOne ប៉ុស្តិ៍ 26, One TV ប៉ុស្តិ៍ 18, CCTV ប៉ុស្តិ៍ 37 និងទូរទស្សន៍ខ្សែកាប ២៥រាជធានី-ខេត្ត និងផ្សាយព័ត៌មានថ្មីៗចុងក្រោយតាមប្រព័ន្ធ App, Website, TV Channel, Radio, YouTube, Facebook, English, Chinese, Telegram.