පවුලත් එක්ක මෙහෙම තැනක ඉන්න තිබ්බ නම්... (Ep.02) | Hulangala Day 02 03 | Hulangala Camping

Описание: #Traval #Camping #TravelwithbajaBaby

හුලංගල | Hulangala
02 දින රාත්‍රිය | 02nd Day Camping
උදෑසන 5.54 යි. පෙරදා රාත්‍රියේ සුවදායී නින්දක් ලබා දුන් හුලංගලට ස්තූති වන්ත වෙමින් කූඩාරමෙන් පිටතට පැමිනෙන විට තිබුනේ ඉතාමත් පැහැදිලි දසුනකි. පසු පස ලදු කැලෑවේ ගස් අතරින් කෙමෙන් මුළු පරිසරයම ආලෝකමත් කරමින් නැගෙන හිරු ගෙන දුන්නෙ අපූරු දසුනකි. මා හට චිත්‍ත රූප මැවී පෙනෙන්නෙට ගත්තේ පුංචි කාලේ කියවපු සමහර පොත් වල තිබුනු කතාන්දර සිහි වීමෙනුයි.
ගල් පර්වතය මත හිද ඈතින් පෙනෙන කදු පන්ති සහ කූඹියන් මෙන් එහා මෙහා යන වාහන දෙස බලා සිටීමත් එක්තරා නිවීමක්. කාර්‍යබහුල ජීවිතයෙන් මිදී මෙවැනි නිදහසක් ලැබීම කෙතරම් භාග්‍යක්ද. Phonex Bird ගෙන් Drone Shots ටිකකුත් අරගෙන දත කට මැදගෙන අපගේ කූඩාරම අසලට පැමිනියෙමු. ඉෂූ උදෑසන තේ එක එක පිළියෙල කරන්නට වූ අතර චූටි දූත් අම්මා එක්ක එකතු වී තිබුනි. රසම රස තේ පීරිසියත් ගෙන ලී පුටුව මතට වී තේ එකෙහි රස විදිමින් සිටි අපි කූඩාරම අසලට වී නිහඩව කාලය ගත කලෙමු. උදෑසන ආහාර වේලද මග හැරී ගොස් තිබූ අතර එය අරුමයක් නොවීය...

හුලංගල කදවුරු භූමියේ සිට වම් පසින් හරිත පැයෙන් දිස් වන පුංචි කදු තරණයක් ඇති අතර වැසි දින වලදී නම් ඉතා ලිස්සනසුලු වේ. බූට්ස්ද දමාගෙන අප තිදෙනා හිස් වැසුම්ද ගෙන සෙමෙන් ඉහළට තරණය කරන්නට ආරම්භ කල අතර එය එතරම් අසීරු නොවුන මුත් ලිස්සා යාමේ අවදානමක් පැවතුනි. ඉහල View Point එකට පැමින ගල් තලාව මත අසුන් ගත් අපට පෙනුන දර්ශන තලය ගැන නම් කියන්නට වචන නොමැති විය. වම් පසින් අප පසු දින පැමිනි මාර්ගයත් නකල්ස් කදු පන්තියත්, දකුනු පසින් හෙලත් (800-900m) ඈතින් රිදීගම ගම්මානයත් බතලේගොඩ ජලාශයත් ඉදිරිපසින් නැව් ගල කන්දෙ ඉහල කෙළවරත් දැක බලා ගන්නට හැකි වූවා. පහලට බැස විනාඩි කිහිපයක් යන්නට මත්තෙන් මුළු කන්දම මීදුමෙන් වැසී ගිය අතර නැවත සුළං තරමක තදින් හම්මනට වූ නිසා දහවල් ආහාරය පිළියෙල කිරීමට සූදානම් වුනෙමු. ඉෂූ චිකන්, බත්, සහ සැලඩ් එකක් දහවල් ආහාරය සදහා සූදානම් කර දුන් අතර මෙතෙක් තිබූ හිරු සැගව ගොස් මීදුමෙන් හුලංගලම වැසී ගොස් තිබුනි. අමුතුම Vibe එකක් ගෙන දුන් අතර දහවල් ආහාරය කූඩාරම තුල සිටම ගැනීමට සිදු වූයේ වැස්ස බලාපොරොත්තු නොවූ ආකාරයට කඩා හැලුණු නිසාවෙනි. කෙසේ නමුත් පහළ බිසෝ ඇළට ගොස් නා කියා එහි රූප රචනාවක් ගෙන එන්නට බලාපොරොත්තු වූ නමුත් එය කඩ වූයේ වර්ෂාවත් කූඩෑල්ලන්ගෙ ප්‍රහාරත් නිසාවෙනි. කෙමෙන් කාලය ගතව ගිය අතර සවස තේ පානය කරන විට වර්ශාවත් සුළගත් දැඩි වූ නිසා එළියට බැසීමට පවා නොහැකි විය. ඇදිරි වැටෙන විට තවත් කන්ඩායමක් පැමිණ තිබූ අතර ඔවුන් සමග වචන කිහිපයක් හුවමාරු කර ගෙන පැමිණ, රාත්‍රී ආහාරය සදහා නූල්ඩ්ස් සකස් කර ගත් අපි සීතල වතුර ටිකකින් ඇගපත සෝදා නින්දට ගියත් දැඩි සුළගත් වැස්සත් නිසා කඩින් කඩ නින්දට බාදා වුනි. හුලංගල 2වන රාත්‍රිය නැතිනම් 2දින මෙසේ ගෙවුනි.

හුලංගල | Hulangala
03 දින සහ හොදටම නාපු දවස
වෙනදා මෙන් උදෑසන හිරු වෙනුවට සුළගත් මීදුමත් පරිසරය වසා ගෙන තිබුනි. කූඩාරම තුලට වී අඩ හෝරාවක් පමණ ගත කරන්නට ඇති. කෙමෙන් මළානික බව පහව ගොස් නැවත හිරු එළිය යාන්තම් වැටුනු අතර ජැන්දිත් මමත් චායාරූප කිහිපයක් ගෙන කූඩාරම හැකිලීමට සූදානම් වන අතර තුර ඉෂූ උදෑසන ආහාරය සදහා බත්, සෝයා මීට්, හාල් මැස්සො බැදුමක් සාදමින් සිටි අතර පෙර දින වැසි හේතුවෙන් කූඩාරම වටා මඩ සැළකිය යුතු ලෙස වැදී තිබූ අතර පහලට ගොස් ජලය ගෙනැවිත් ජැන්දිත් මමත් සෙමෙන් සියල්ල ඉවත් කර පිරිසිදු කර වේලෙන්නට ඉඩ හර නැවත Pannier Bags වලට සියලු දේ ඇසුරු කිරීමට පටන් ගත්තේ කොයි මොහොතේ හෝ වැහි ඇද හැලෙන බව දැන සිටි නිසාවෙනි. සියල්ල පැක් කර අවසාන වනවාත් සමග නැවත වැහි බිදු පතිත වූ අතර අසල තිබූ මැස්සකට ගොඩ වී වැස්ස පායන තුරු බලා හිදින්නට සිදු වූයේ සියල්ල පැක් කර අවසාන වූ නිසාවෙනි. ජැන්දිත් ඉෂූත් මැස්සට වී ඉන්නට ඉඩ හැර මා පොද වැස්සෙ Pannier Bags එල්ලා ගත් අතර දවල් ආහාරය ගැනීමට සිදු වූයේ සිටගෙනමය. එහි තිබූ රස නම් කියා නිම කළ නොහැකිය. කෙසේ නමුත් බත් කටවල් ඉක්මනින් ගිල දමන්නට සිදු වූයේ අද නම් නාන්නට වන බව දැනගෙනමය.
සියල්ල පැක් කොට අවසානයේ සුන්දර හුලංගලට සමු දීමට සැරසුනි. කිසිවක් නොපෙනුනු ඈත මායිම මීදුමෙන් වසා සිටි අතර අපගේ සමු ගැන්මට තරහ වූවාක් මෙන් වැසි හැද හැලෙන්නට වූයේ අප තිදෙනාවම තෙමා දමමිනි. හෝරාවක අධික කාලයක් ඉතා පරිස්සමින් බෑවුම් බැසීමට සිදු වූ අතර එය ඉතා අවදානම් වූයේ බඩු බාහිරාදියත් ගල් පර ලිස්සනසුළු නිසාවත්‍ ය. හුලංගල මාර්ගය සැබැවින්ම දුශ්කරය. එය චායාරූ වලට හෝ රූපරචනා වලට පෙනෙන්නේ නැත. මා හට එතරම් අපහසුවක් දැනුනේ සැලකිය යුතු බරක් ඔසවා ගත් යකඩ අශ්වයා නිසා වන්නටත් ඇති. කෙසේ හෝ අවසානයේ පහළට පැමිනි අතර අතරමගදී සුන්දර සංචාරකයෙක් වූ The Sailor හමු වීමත් ඉතා සතුටක් ගෙන දුන්නක්......

Full Story on FaceBook Page.....

All Copyrights Received
Travel with Baja Baby
Sameera Chathuranga
Youtube - https://bit.ly/3Wk8vH2.
Tiktok - https://bit.ly/3YFd801.
Instagram - https://bit.ly/3Wwy8nG.
Facebook - https://bit.ly/3WswqUy
#travelwithbajababy #xrbaja #motocamping #familyride #adventuretravel #travelwithbaby #kurunagala #travelsrilanka #visitsrilanka #travelwithwife #hulangala #hulangalacamping #familycamping #familycampingadventures