اصعب قرار - خالد ال بريك & صنهات حشر - على مدار الارض خلوني على نفس المسار 2025
Автор: شيلات الروقي
Загружено: 2025-10-05
Просмотров: 127077
Описание:
ضع لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
/ u511a
في ليلةً وجه القمر فيها مثل وجه النهار
من نورها ماكن فالدنيا ليالّ مظلمه "
سامرتها واثري مع الذكرى سريع الانكسار
اليا ذكرت اللي سرق قلبي بعينه وعلمه
وش ردني للموقف بين نار وبين غار "
والوجعه اللي من يطاول شرها ضاع نسمه
التايه اللي مل من طول الصبر والانتظار
ان مالهمه ربي على السلوان محدً ملهمه "
على مدار الارض خلوني على نفس المسار "
حتى لو ان الدرب موحش والمسافه مفحمه
عودت نفسي لين صارت ماتهاب اصعب قرار
ولاتخاف الا الكريم اللي كفلها بـ كرمه "
على طموحاتي ليا هلحين مافات القطار
لكن بداياتي من القمه بدون مقدمه "
اخذ عيون الشعر فالساحه بعين الاعتبار "
واضحك على الي يحسبن كل البيوت ملغمه
اقلط ليا صارت مصاقل حصن ومشابط حرار
واقفي لاشفت المرهف الحساس مايفتر فمه
ماهوب ذنبي لاجرحت اللي من الناجح يغار
واللي لسانه في قفى الاجواد مثل مسيلمه
المشكله ماهيب فالجاهل وفعقول الصغار
المشكله فاللي يشيل العقل مايستخدمه "
بعض العلوم الها مطار وبعضها ماله مطار
لو جاب راعيها شهود اعيان عند المحكمه "
الغادي اللي يلحق الشرهه طويلين العمار
مدري متى تستلمه العقال .. لين تعلمه "
ماهوب شرط اليا كبر سنك تعد مع الكبار
كم من صغير تاقف الدنيا ليا حث قدمه
وشهوله نجامل وجيهً مالها الا الاحتقار "
مانتب محصل عندنا تقدير لاصرت رخمه
حنا نحب الطيبين اللي لهم قدر ووقار "
هاذي قناعتنا من الماضي لعصر العولمه
طبع البخيل يبين ماله شغل في مال وعقار
ولا الكريم يجود لو اسمه [ معلّق ] في سمه
عاد الكرم من حظ ربعي والموارد والديار "
كل دعجاني ينتمي للطيب دمه ولحمه
على فقارة نجد حولنا واخذناها جهار "
يوم الحرايب تشتعل فيها وللخيل رهمه
الاد مفلح عزوتي لاجاء مجال الافتخار
افخربهم واداحم اللي فيه زومه وادحمه
حنا الدعاجين الدهاه اللي على العايل دمار
تاريخنا ماهوب مكتوبٍ بخط المرسمه "
سواقة العطفه هل الفزعه متيهت البكار
قبل الامان اللي نعمنا به وقبل الانظمه
غير الشجاعه والكرم والخوه و حسن الجوار
مجدا تبا تفنا هل الامجاد ماطاح علمه
على جررنا يفحمون متيهين ام الحوار "
لاطالت الشده وجاء للحرب عركه وعسمه
نتايج فعوول النشاما تاليتها الانتصار "
مايطربون الا لامن السيف شال الجمجمه
ماكل بيضا بشحمه ماهي علينا [ بختصار ]
بفعولنا نقدر نخلي كل بيضا بشحمه "
وانته ياغازي من بداية شبتك شباب نار
نارٍ تولع في كبود عداك ماهيب فحمه
اطنخ ياخو جوزا عسى راسك من الدنيا مجار
وابجد صفوف القوم والطيب فعوله تخدمه
اسمك يابو غالب ماهوب معرضً للانهيار
بيت المعالي فالمعالي والهوى مايهدمه
عز الله انك يابن عيده حر من ماكر حرار
خل الطيور اللي بعضها مع بعض متليمه
انت ابنً عمً كل ماشان الزمن والوقت دار
يزبنك من ضاقت عليه الارض والوقت ظلمه
تمشي على منهاج شيبانك وفي نفس المسار
كل المفاخر حايزٍ تيجانها والاوسمه "
عقبك عودً مايعرف الهون ولاّ الانحدار
هذا هو اللي فالمواقف جعلنا مانعدمه
ترثة شيوخٍ ماتهاب الموت قصاف العمار
تارد على حوض المنايا والمعادي تلطمه
واخوانك الوافين في وقفاتهم نار وشرار
مامنهم اللي دون حد الجزله يطيح سهمه
تقلط بساميها ولاتقلط بالاسم المستعار
طبعٍ لهم واللي ماغبر شاربه مادسمه
Повторяем попытку...
Доступные форматы для скачивания:
Скачать видео
-
Информация по загрузке:
