തെരുവ്നായകളല്ല അവര്‍.ഇവരുടെ പൊന്നോമനകളാണ് | People for Animal | Animal Rescue | Trivandrum

Описание: പരിമിതികളുണ്ടെങ്കിലും അതിലൊന്നും തളരാതെ തെരുവുനായകളുടെ സംരക്ഷണത്തിനായി പോരാടുകയാണ് പീപ്പിൾ ഫോർ അനിമൽസ് എന്ന മൃഗസംരക്ഷണ സംഘടന.

അപകടങ്ങളിൽ പരിക്കേറ്റതും തെരുവുകളിൽ ഉപേക്ഷിക്കുന്നതുമായ നായകൾക്ക് അത്താണിയാകുന്ന തങ്ങൾക്ക് പക്ഷേ സർക്കാരിൽനിന്ന് പിന്തുണയൊന്നും ലഭിക്കുന്നില്ലെന്ന് സംഘടന പറയുന്നു.

മലയൻകീഴ് പഞ്ചായത്തിലെ വലിയറത്തലയിൽ ഒന്നര ഏക്കറിലുള്ള സംഘടനയുടെ കേന്ദ്രത്തിൽ 200ലധികം തെരുവുനായകളെയാണ് സംരക്ഷിക്കുന്നത്. തെരുവുകളിൽ ഉപേക്ഷിക്കപ്പെട്ട പിറ്റ്ബുൾ, ലാബ്രഡോർ, റോട്ട് വീലർ, പഗ്ഗ് തുടങ്ങിയ വിലയേറിയ നായകളും ഇവിടെയുണ്ട്. മൃഗാശുപത്രിയോട് കൂടിയ സംരക്ഷണകേന്ദ്രത്തിന്റെ കുറ്റമറ്റ നടത്തിപ്പിനായി പ്രതിമാസം നാലുലക്ഷത്തോളം രൂപയാണ് ആവശ്യം. പൊതുജനങ്ങളിൽനിന്നുള്ള സംഭാവനയുടെ മാത്രം അടിസ്ഥാനത്തിലാണ് സംഘടനയുടെ പ്രവർത്തനം. അതിനാൽ സംരക്ഷണകേന്ദ്രത്തിന്റെ സുഗമമായ നടത്തിപ്പിന് പരിമിതികൾ നേരിടുന്നുണ്ട്.

മൃഗഡോക്ടറുടെ സേവനം സ്ഥിരമായി ലഭിക്കാത്തത് സംരക്ഷണകേന്ദ്രം നേരിടുന്ന ഒരു പ്രശ്നമാണ്. 200ലധികം നായകളുള്ളതിനാൽ സംരക്ഷണകേന്ദ്രത്തിൽ സ്ഥിരമായി പ്രവർത്തിക്കാൻ മൃഗഡോക്ടർമാർ മടിക്കുന്നതാണ് കാരണം. നിലവിൽ ഒരു നഴ്സും 6 സഹായികളും ചേർന്നാണ് നായകളുടെ പരിചരണം നിർവഹിക്കുന്നത്.

സൗജന്യമായി ദത്ത് നൽകും

#peopleforanimals #animalrescue #petlovers