TVB賽馬日丨陳山聰貼中頭馬帶挈兄弟姊妹斬獲 陳豪義賣咖啡化身吉祥物任影
Автор: TVB 娛樂新聞台
Загружено: 2025-02-11
Просмотров: 16453
Описание:
TVB賽馬日丨陳山聰貼中頭馬帶挈兄弟姊妹斬獲 陳豪義賣咖啡化身吉祥物任影
一年一度TVB賽馬日於2月9號隆重舉行，電視廣播有限公司行政主席許濤率領一眾行政人員，包括節目內容營運總經理曾志偉、 商務營運總經理蕭世和，以及超過50位藝員共襄盛舉，場面熱鬧。
一眾小生花旦盛裝赴會，龔嘉欣、林夏薇等首次出席呢個活動，譚俊彥笑指嘉欣今年旺，要跟嘉欣買馬，而陳展鵬都話跟薇薇買就得；蔡潔透露將呢日嘅利是錢all in買一隻最冷門嘅馬，希望有一個爆冷嘅機會。
不少人排住隊問志偉拎貼士，志偉笑言大家想輸錢就拎貼士，知道大家都想發新年財，志偉讚TVB貼士好準，無論係方駿暉講定係myTV SUPER 28台都好準，第一場貼6號、第二場貼9號，二隻都跑冠軍，志偉又指自己乜都買，所以命中率高。
汪明荃、展鵬、陳豪、洪永城及馬國明等眾藝員投入觀戰TVB盃，阿姐更大受馬迷歡迎，問阿姐拎簽名，當比賽正式開始時，小生花旦放低偶像包袱，狂叫自己支持嘅馬匹，最終陳山聰貼中頭馬，帶挈兄弟姊妹有斬獲，朱敏瀚同周嘉洛笑指彩金豐厚。許濤主席、曾生同阿姐亦代表頒獎，得獎嘅騎師更獻花畀阿姐，而「聲夢三寶」姚焯菲、鍾柔美及林智樂就為賽馬日打響頭炮，喺沙圈帶嚟活力舞台，姚焯菲同鍾柔美首次入馬場，有試吓投注初體驗，點知佢哋連馬匹已衝線都唔知。
此外，一眾藝人各自有特別任務，長老林秀怡同林正峰亦開壇邀請馬迷玩獎門人嘅遊戲，修哥就再度化身財神派利是，連視帝視后都爭住收祝福；展鵬同薇薇負責頒最佳外觀獎嘅馬匹，事前有落沙圈學睇靚馬。周吉佩同古淖文負責為《中年好聲音3》命名嘅賽事頒獎。
視帝陳豪呢日再度義賣咖啡做善事，呢次冇落場沖咖啡，轉做吉祥物畀善長打卡。高海寧今年參與「鐵馬」家族團拜，眾人去馬明屋企拜年，高海寧因拍賀歲片仲學識打麻雀，佢一試手氣食十三么，馬明讚高海寧運氣旺不斷自摸。
#TVB賽馬日 #行政主席 #許濤 #總經理 #曾志偉 #蕭世和 #龔嘉欣 #林夏薇 #譚俊彥 #陳展鵬 #蔡潔 #汪明荃 #陳豪 #洪永城 #馬國明 #陳山聰 #朱敏瀚 #周嘉洛 #高海寧 #聲夢三寶 #姚焯菲 #鍾柔美 #林智樂 #林秀怡 #林正峰 #修哥 #周吉佩 #古淖文
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
Повторяем попытку...
Доступные форматы для скачивания:
Скачать видео
-
Информация по загрузке:
