Physiotherapy for Astronauts Sinhala | Space Hotel | Space X - Elon Musk | Mars Mission | Star ship

Описание: ගගනගාමින් සඳහා කල යුතු භෞතචිකිත්සාව
අද අපි ඔබට ගෙන එන්නේ ඉතා වැදගත් මාතෘකාවක් තවමත් ශ්‍රී ලාංකිකයන් වන අප එතරම් උනන්දුවක් නැතත් මේ මාතෘකාව නැතිනම් අභ්‍යවකාශ තරණය අද ලෝකයේ ජනප්‍රියයි
ගිය පෙබරවාරි මාසයේ නාසා ආයතනය මගින් සාර්ථක ලෙස අඟහරු ලෝකයට යැ වූ රෝවර් යානය මගින් සිදුකරන පර්යේෂණ එනම් එහි පසේ ඇති ඛනිජලවන ජලය වායුගෝලයේ සංයුතිය විකිරණශීලිතාව භූගෝලීය පිහිටීම වැනි කරුණු රාශියක් වේ.එහි සිට එවන සමීප ඡායාරූප මේ පිළිබඳව උනන්දුව තව තවත් වැඩි කරයි
තවද ඉලොන් මාස්ක් ගේ space x සමාගම 2030 වන විට මිනිසුන් සහිත යානයක් අඟහරු ලොවට යැවීමටද, 2050 වන විට මිලියනයක් පමණ වන ජනතාවක් එහි පදිංචි කරවීමට සැලසුම් සකස් කර තිබේ
තවද මේ වන විටත් මිනිසුන් සහිත අභ්‍යවකාශ නැවතුම් තොටුපළ පෘථිවියේ කක්ෂයේ පැයට හැතැප්ම 15500 ක් පමණ වේගයෙන් ගමන් කරයි .බොහෝවිට මෙම අභියෝගය මධ්‍යස්ථානය තුළ මිනිසුන් මාස හයක් පමණ උපරිම සිටිය හැක .ඔවුන් එහි පාවෙවී නොයෙකුත් කාර්යයන් වල යෙදෙන බව ඔබ කොතෙකුත් වීඩියෝ වලින් නරඹා ඇත
අද අපි ඔබට කියා දෙන්නේ මේ අභ්‍යවකාශයේදී ගුරුත්වාකර්ෂණය නොමැති වීම අප ශරීරයට වෙන බලපෑම් සහ එය වළක්වා ගත යුතු අන්දමත් ගැනය .
අප මානවයන් පරිණාමය වී ඇත්තේ පෘථිවියේ ගුරුත්වාකර්ෂණය සහ මෙහි වායුගෝලීය පීඩනය සහ උෂ්ණත්ව වැනි සාධක මතය .වායුගෝලයක් නොමැති අභ්‍යවකාශය රික්තය කි .හදිසියේ ඔබ එහි හුස්ම ගත හොත් විනාඩි හතරක් වැනි කාලෙකදි ඔබ මිය යයි .එහි ඇති අධික ශීතලට ඔබගේ ඇස් බෝලය ඝන වී අන්ධ වේ .තවද අපේ වායුගෝලයේ ඕසෝන් ස්තරයෙන් සූර්යයාගේ විකිරණ පෙරී යන බැවින් අපට පෘථිවියේ දී විකිරණ වලින් වෙන හානිය අඩුය .නමුත් අභ්‍යවකාශයේදී විකිරණ වලට නිරාවරණය වන බැවින් සමේ පිළිකා වැනි රෝග ඇති වේ
අභ්‍යවකාශ මධ්‍යස්ථානය වේගයෙන් චලනය වුවත් අභ්‍යවකාශයේ වායුගෝලයක් නැති නිසා ඝර්ෂනයක් නොමැති බැවින් එම වේගය ඔවුනට නොදැනේ .
අභ්‍යවකාශ නැවතුම් මධ්‍යස්ථානයේ ගුරුත්වය නොමැති බැවින් එහි සිටින අයට උඩ හා යට යන සංවේදනය ගිලිහී යයි.
මධ්‍යස්ථානය තුළ ගුරුත්වාකර්ෂණය නොමැති නිසා සිටගෙන සිටීම ඇවිදීම අපහසු බැවින් අස්ථිවලට ශරීරයේ බර නොවැටේ.එවිට අස්ථිවල ඝනත්වය අඩුවේ එනම් දිරාපත් වීම හෙවත් ඔස්ටියෝපොරෝසිස් තත්ත්වෙ ඉතා වේගයෙන් ඇතිවේ පෘථිවියේ සිටිනවාට වඩා දස ගුණයකින් පමණ ඔස්ටියෝපොරෝසිස් වෙන වේගය වැඩිවේ .තවද වකුගඩු වල ගල් ඇතිවීමේ අවදානමක් ඇත
මේ තත්ත්වය නිසා අභ්‍යවකාශ නැවතුම් තොටුපළේ සිටින අය සහ අභ්‍යවකාශය තරණය කරන සියලු දෙනා භෞතචිකිත්සක ව්‍යායාම ප්‍රතිකාර කළ යුතුය .නැතහොත් ඔවුන් නැවත පෘථිවියට ආ විට සිට ගැනීමට නොහැකි වේ .ඒ මාංශපේෂි සිහින් වී අස්ථි ඛාදනය වී සමබරතාවය ගිලිහී යන බැවිනි .
මෙය වළක්වා ගැනීමට දිනකට පැය දෙකහමාරක් ඔවුන්ට්ට භෞත චිකිත්සක වරු ව්‍යායාම හඳුන්වා දෙයි ඒ විදියට සතියට දින හයක් ව්‍යායම අනිවාර්යයෙන් කළ යුතුයි එමෙන්ම කිරි කුඩා මාළු වැනි කැල්සියම් අධික ආහාර ගත යුතුය
ක්ෂුද්‍ර ගුරුත්වාකර්ෂණය තුළ ශරීරයේ plasma වැනි තරල අඩුවේ .plasma අඩු වුවොත් සෙසු කොටස් වලට ඔක්සිජන් ගෙන යෑම දුෂ්කර වෙයි .ව්‍යායාම මගින් මෙම ප්‍ලස්ම ප්‍රමාණය වැඩිවේ
රුධිර සංසරණය අඩු වුවොත් ගගනගාමින් කලන්ත වීමට ඉඩ ඇත. ව්‍යායාම මගින් රුධිර සංසරණය වැඩි වී කලන්ත වීම වළක්වා ගත හැක
මෙහිදීභෞත චිකිත්සක ව්‍යායාම ලෙස චක්‍රීය අර්ගොමීටරය භාවිතා කරයි.එය බයිසිකලයක් වැනි උපකරණයක් වන අතර පෙඩල් කිරීම එහි ප්‍රධාන ක්‍රියාකාරකමයි.මෙහිදී හෘද ස්පන්දන වේගය පරික්ෂා කිරීම පහසුවන අතර කොපමණ වැඩ ප්‍රමාණයක් සිදු සිදුකරනවාද යන්න මැන බැලිය හැක .
මෙහිදී thredmill මත ඇවිදීම ඇටකටු සහ මාංශ පේශී නිරෝගීව තබා ගැනීමට වැදගත් ය. ගුරුත්වාකර්ෂණය නොමැති නිසා මිනිසුන් පාවීමට හේතු වන බැවින් ගගනගාමින් ඇවිදින පෘෂ්ඨයට රඳවා තබා ගැනීම සඳහා පටි සවි කර ඇත .
CEVIS ( Cycle Ergometer with vibration isolation and stabilization system ) යන උපකරණය ගගනගාමින් නිරෝගීව තබා ගැනීම සඳහා ඉතා වැදගත් වේ . මේ උපකරණයේ වාඩි විමට seat එකක් නොමැත.ඒ ගුරුත්වය නොමැති බැවින් වාඩි වීමට වාඩි වීමට නොහැකි නිසා.
තවද භෞත චිකිත්සක වරු මෙම අභ්‍යවකාශ ගමන් වල දී ගගනගාමීන්ට ව්‍යායාම කිරීමට theraband නම් වන රබර් පටි වැනි උපකරණ භාවිතා කරති .
සතුටට කාරණයක් නම් ඉදිරි දශක කීපය තුළ ඔබට විවේකයක් ගැනීමට අභ්‍යවකාශය තුල හාරසිය දෙනෙකුට එකවර නැවතිය හැකි හෝටලයක් නිර්මාණය කිරීමයි .මේ තත්ත්වය තුළ විද්‍යාඥයන්ට විතරක් නොව සාමාන්‍ය මිනිසුන්ටත් අභ්‍යවකාශයට යැමට හැකි වනවා ඇත . එබැවින් මෙම ලිපිය ඔබ හට ඉතා වැදගත් වනු නොඅනුමානයි

ජාලිය උඩුවැල්ල , භෞත චිකිත්සක අධිකාරි ,රිජ්වේ ආර්යා ළමා රෝහල , කොළඹ


🔴Comment your problems to get free advice.

🔺Join Now to get updates

Face Book -   / jaliyauduwellalike  
Website - http://www.jaliyauduwella.lk/
Instagram -   / jaliyauduwella  
Telegram Channel - https://t.me/free_physiotherapy
Viber Community - https://invite.viber.com/?g2=AQBA01bS...

🔴To get Consultation - https://www.doc.lk/channel/1569?docto...


#physiotherapysinhala #astrophysiotherapist #spacephysiotherapy