Dorëheqja e Ramush Haradinaj, opinione nga populli i Kosovës - (9 Mars 2005)

Описание: Lajme arkiva 2005

Gazetarja: Nuk ka preferuar të bëjë asnjë deklaratë për mediat e mbërritura këtu në aeroportin e Prishtinës, ish-kryeministri i Kosovës Ramush Haradinaj, i cili sapo ka lënë aeroportin e kryeqytetit të Kosovës për të shkuar në Hagë. Megjithatë, fakti që këtu shumë banorë nga e gjitha Kosova ishin mbledhur për ta përcjellë, do të thotë se pavarësisht nga akuzat që Gjykata e Hagës i ka bërë, Ramush Haradinaj për popullin e Kosovës është i pafajshëm.

Ramush Haradinaj u përcoll për në Hagë nga komandanti i TMK-së, gjeneral leitnant Agim Çeku, zv/komandanti gjeneral major, Sulejman Selimi, drejtuesit e Zonave të Mbrojtjes si dhe rreth 200 përkrahës të tij.

Shumë nga personat e pranishëm në aeroportin e Prishtinës shprehën keqardhjen për vendimin e marrë nga Gjykata e Hagës.

“Mendoj se është një padrejtësi shumë e madhe. Një akuzë përballë anës politike, të padrejta. Dhe një humbje shumë e madhe për Kosovën.”

“Fatkeqësia më e madhe që ka mund me i ndodh Kosovës është kjo.”

“Ky është një Ramush, i cili tregoi vetën në luftë se si luftohet, se si çlirohet Kosova. Mandeja pas luftës e tregoi veten se si në paqe duhet punuar, duhet punuar. Tashti prapë e tregoi veten si burrë, me vendosmëri të lartë. Sakrifikohet për Kosovën, për lirinë që ne gëzojmë sot. Ndaj sot ai duhet të shkojë në Hagë, si burrë.”

Në Deçan, në vendlindjen e ish-kreut të qeverisë kosovare, mbi 1 mijë qytetarë zhvilluan një protestë të qetë një orëshe në shenjë mbështetje për Haradinaj. Mbrëmë në qendër të Prishtinës marshuan me qindra studentë, që e quajtën të padrejtë ngritjen e akuzave kundër tij. Megjithatë, gjendja në Kosovë vazhdon të mbetet e qetë.

NATO ka zhvendosur trupat e saj në zonat më të nxehta për të qenë në gatishmëri në rast të shpërthimit të ndonjë proteste të dhunshme. 500 trupa britanikë dhe 600 italianë e gjermanë u janë bashkangjitur 18 mijë trupave ekzistuese që prej disa ditësh dhe po mbajnë nën kontroll pikat më të nxehta. Niveli i sigurisë është rritur edhe në Maqedoninë fqinje me urdhër të presidentit Branko Cervenkovski.

Edhe Këshilli për Mbrojtje dhe Siguri Kuvendit të Serbisë ka kërkuar nga shërbimi sekret policor që të bëjë përforcime në jug të Serbisë.

Por ushtruesi i detyrës së kryeministrit të Kosovës, Adem Salihaj, vlerësoi se situata e sigurisë është e qetë dhe e qëndrueshme dhe nuk ka elemente që ajo të destabilizohet. Ai njoftoi gjithashtu shtyrjen e bisedimeve mes Prishtinës dhe Beogradit për çështjen e të zhdukurve./tvklan.al

Gazetare: Mimoza Koçiu


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/