Bilanci i aksidentit tragjik në Dom Gjegjan, 14 të vdekur e 10 të plagosur-(17 Korrik 2010)

Описание: Lajme Arkiva 2010

14 të vdekur dhe 10 të plagosur është bilanci tragjik i aksidentit të ndodhur pasditen e kësaj të shtune në fshatin Dom Gjegjan të Pukës.

Autobusi i linjës Durrës-Fushë Arrëz, i nisur nga qyteti bregdetar në orën 13:00 të mesditës ka dalë nga rruga dhe është rrokullisur 60 metra në luginën e lumit Fani i Madh, rreth orës 17:00 të pasdites.

Si pasojë, dhjetë persona kanë gjetur vdekjen e menjëhershme, mes të cilëve edhe shoferi i autobusit, ndërsa katër të tjerë kanë ndërruar jetë gjatë transportimit për në spital.

Viktimat janë Arsen Marku, Paulin Gjoni, Mimoza Hasani, Adem Mustafa, Martin Lleshi, Alma Marku, Albiona Marku, Fran Paloka, Gjovalin Pera, Zef Mark Gjergji, ndërsa katër të tjerë janë ende të paidentifikuar.

Gjashtë helikopterë, tre të policisë së shtetit, dy të Ministrisë së Shëndetësisë dhe një i Ministrisë së Mbrojtjes ndihmuan në transportimin e të plagosurve për në spitalin e Pukës, spitalin e Shkodrës dhe Spitalin Ushtarak të kryeqytetit.

Dëshmitë e të mbijetuarve të këtij aksidenti tragjik bëjnë fjalë për një dalje të papritur të autobusit nga rruga.

“Kur kam ardh, kam parë kërdinë, dmth njerëzit djeg krejt. Kemi nxjerrë një fëmijë që kishte qenë brenda në autobus. Kanë ardhur mandej mileti krejt”.

“Kemi gjetur njerëz të shumtë të vdekur, të plagosur, fëmijë, gra dhe jemi mundur me ato mundësitë tona me shpëtu njerëzit që ishin të plagosur, që ishin të gjallë dhe jemi mundu t'i transportojmë nëpër spitale, siç ishin mundësitë tona. Të gjithë kanë pas dalë, të gjithë nga autobusi. Vetëm një kalama kemi gjetur, një gocë diku aty, 5-6 vjeç, e kemi gjetur në autobus dhe e kemi nxjerrë.”

Dita e diel është shpallur nga qeveria ditë zie kombëtare. Lajmi është bërë i ditur nga zyra e shtypit të kryeministrisë./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/