Lauga Aso Sa 18/01/2026 - Fredmoon Matangi AF | EFKAS Alofisa O Le Atua

Описание: ⛪ Sunday Service — Every Sunday
📍 Location: 297–305 Old Castlereagh Rd, Castlereagh NSW 2749
⏰ Time: 10:00AM

━━━━━━━━━━━━━━━━━━━━━━━━━━━━━━━━
📖 Tusi Faitau Aso EFKAS 2026



O LE TALALELEI IA MATAIO
Fa’atonuga ma fa’amautinoaga (Instructions and reassurance)

Aso Sā – Ianuari 18: “Fa’atonuga: foa’iina ma taliaina”
Tusi Faitau – Mataio 6: 1-8 (Instructions: giving and receiving)
Matua – ff. 3, 4: “A ē avatu ni mea alofa, aua ne’i iloa e lou lima tauagavale le mea ua faia e lou lima taumatau; ina ia lilo au mea alofa; o lou Tamā fo’i, o lē silafia i le mea lilo, o ia lava na te avatu se taui iā te oe.”

O le ola foa’i, o le gasologa masani o le ola o so’o se tagata soifua. E tele auala e atagia ai lo tatou ola foa’i. O le ola fetufaa’i i lou tuā’oi e ala i manuia o le Atua ua tatou maua, a e fa’apea fo’i le ofoina o tatou taimi e fesoasoani ai i nisi o lo’o mana’omia. O upu ua fai ma matua, ua fa’ailoa mai ai le foa’i e faia ma le lē iloa. O le saunoaga a Iesu i le faia o le foa’i i
auala e lē iloa e tagata, a e o lo’o sisila fofoga o le Atua i mea ua tatou faia. O le ola foa’i ma le talia, o se tasi lea o gasologa masani o le soifuaga nei. E tele fo’i auala e mafai ona atagia ai lea fo’i fa’atinoga masani o aso uma. O a lava auala ua tatou faia ai le foa’i, ia manatua e
lē lilo i le silafaga a le Atua. Na te tauia lo tatou ola foa’i atu i isi, ma e lē ta’ufa’atauva’aina e le Atua lo tatou ola taumafai mo mea lelei.