أنا لي مدة من ذبتك يا الشامخ المزموم 🔥 حفل راشد محمد الرحيّان | جفران بن هضبان & طلال الرحيّان

Описание: اشترك في القناة وفعل التنبيهات ليصلك كل جديد وحصري

لتواصل : https://alfan.link/h2mbr

( الشامخ المزموم )

حفل زفاف
راشد محمد الرحيّان

كلمات
طلال الرحيّان

اداء
جفران بن هضبان


( القصيده )

انا لي مدةٍ من ذبّتك يا الشامخ المزموم
و يا لبيه يا شعري و يا ذبّة مراقيبه

الا يا هاجسي حظّر لا جا اللازم يطير النوم
و هات الحبر يوم الشعر زانت لي مضاريبه

بعد غيبه عن الساحه رجعت افرق و ازيد السوم
و قد قيل الغنايم جابها من طوّل الغيبه

انا في وادي الشعر الحقيقي مانيب منجوم
ادل الدرب و اروم القصيد الجزل و اجيبه

و الى منّي لمحت طيور شعري فالسما و تحوم
بدوّر لي على حرٍ مخضبّةٍ مخاليبه

من البارح و راسي بالنوادر يالربع مزحوم
الافكار اتزاحم و الرجم يصدح عِوى ذيبه

هلا يا مرحبا ما لاح برّاقٍ ف عرض غيوم
تراحيب اتحدّى العود الازرق في شذا طيبه

هلا يا مرحبا ب ضيوفنا ما في سمانا نجوم
ارّحب في حفل قرمٍ كثيراتٍ تراحيبه

افاخر به و اماري به و انا في مدحته ملزوم
انا و شلون ما امدح طيّبٍ متصدّر ف طيبه

و برجي الواحد الوهّاب جزل المدّه القيّوم
يطوّل عمر عودٍ كل مطنوخٍ يماري به

ابي راشد ذرانا الضافي و قرمٍ سليل قروم
جبلنا اللي مذرّينا من الشوب و لواهيبه

حفيده و اعتزي به و يغدي جمع الخصوم ثلوم
و تطيع الكايده من هيبته لو انّها صعيبه

ندوّر شوره الوافي و ننصت كل ليل و يوم
و على جرتْه نمشي و نتعلّم من تجاريبه

و عقّب له حرارٍ تحتمي الماقف ما عقّب بوم
و لا يارد سوى عدٍ عذيّاتٍ مشاريبه

ترا مدح السنافي واجبٍ لوّه من اقصى القوم
و عقّب كل شاعر ماهوب يحفظ مواجيبه

تحزّم بي يا راشد و انت راسك طيّب و شغموم
و انا شاعر مع ربعه بعيداتٍ محاضيبه

موّرثك اصوكٍ عند الزحول امقدّر و محشوم
نفاخر في فعوله كلبونا الغمر و الشيبه

محمد عمي الصامل محمّد عمي الزيزوم
شجاعٍ. كل علم ينومس يعشقه و يحري به

يا صعب الطايله لكن كسبها كفّه المخروم
و يا قو البيت لا ضم اسمه و يا طيب تركيبه

لجل عينه و عينك بغرف البحر و بعومه عوم
و اجيب العسره اللي ما لحقها شكّه و ريبه

و حنا ربعك اللي في لزوم الطيبين نقوم
تقدّم و ابشر بماقف جميع الناس تحكي به

ضواعن في ذرانا يفرح الخايف مع المضيوم
و الى من ثارت الهيّه ل كاس الموت شرّيبه

نوقّف كل ما كبرت و نقدم و يعدانا اللوم
لا قامت ترقل عظام الضعيّف كن معه ذيبه

و الى منّا شهرنا السيف ما يرجع و هو مثلوم
لا والله غير يرجع بالنصر و العز و الهيبه

بعيدين المغازي نحشم خشوم و ندق خشوم
مسامير الأشدّه فعلنا كلًا يهذري به

سلاطين المراجل و المواقف و القروم قروم
و الى خربت شياطينٍ. نهار الكون حرّيبه

يوم ان الوقت عاده فارس و سيف و فرس و سهوم
محزمة القنازع بيرق الاخصام تقفي به

كسبنا النعم و الامجاد و سلوم الرجال سلوم
و ليلٍ يخلف الساري ندوّر له و نسري به

و عن ضعاف النفوس اهل الردى و الخايبين نشوم
و رجم الطايله و العز نرقاه و نعدّي به

يوم ان الماقف الغصّاب يبغي له صبر و عزوم
ياخوك الماقف الغصّاب حن والله معازيبه

و خوالك مزبن الهايب خوالك فزعة المهموم
نواجع لا لفا الطالب تكمّل له مطاليبه

بعد غيبه عن الساحه رجعت افرق و ازيد السوم
و قد قيل الغنايم جابها من طوّل الغيبه