அனைத்து நோய்களும் தீர்க்கும் வைத்தீஸ்வரன் பதிகம் 🙏 கோளறு பதிகம் | சிவன் பக்தி பாடல் | தேவாரம்

Описание: #Bhakti #tamilbhakthisongs #TamilDevotionals #BhaktiPadal #Bhakthi #abirami #Devotionalsongs #devotional #god #dailydevotional #thirumurai #thiruchitrambalam #siva

அனைத்து நோய்களும் தீர்க்கும் வைத்தீஸ்வரன் பதிகம் 🙏 வெள்ளெருக்கரவம்| சிவன் பக்தி பாடல் | தேவாரம்

அ௫ளியவர் : திருநாவுக்கரசர்
திருமுறை : ஐந்தாம்-திருமுறை
பண் : திருக்குறுந்தொகை
நாடு :சோழநாடு காவிரி வடகரை
தலம் : புள்ளிருக்குவேளூர்

வெள்ளெ ருக்கர
வம்விர வுஞ்சடைப்
புள்ளி ருக்குவே
ளூரரன் பொற்கழல்
உள்ளி ருக்கு
முணர்ச்சியில் லாதவர்
நள்ளி ருப்பர்
நரகக் குழியிலே.  1

மாற்ற மொன்றறி
யீர்மனை வாழ்க்கைபோய்க்
கூற்றம் வந்துமைக்
கொள்வதன் முன்னமே
போற்ற வல்லீரேற்
புள்ளிருக் குவேளூர்
சீற்ற மாயின
தேய்ந்தறுங் காண்மினே.  2

அரும றையனை
ஆணொடு பெண்ணனைக்
கருவி டம்மிக
வுண்டவெங் கண்டனைப்
புரிவெண் ணூலனைப்
புள்ளிருக் குவேளூர்
உருகி நைபவர்
உள்ளங் குளிருமே.  3

தன்னு ருவை
யொருவர்க் கறிவொணா
மின்னு ருவனை
மேனிவெண் ணீற்றனைப்
பொன்னு ருவனைப்
புள்ளிருக் குவேளூர்
என்ன வல்லவர்க்
கில்லை யிடர்களே.  4

செங்கண் மால்பிர
மற்கு மறிவொணா
அங்கி யின்னுரு
வாகி அழல்வதோர்
பொங்க ரவனைப்
புள்ளிருக் குவேளூர்
மங்கை பாகனை
வாழ்த்த வருமின்பே.  5

குற்ற மில்லியைக்
கோலச் சிலையினாற்
செற்ற வர்புரஞ்
செந்தழ லாக்கியைப்
புற்ற ரவனைப்
புள்ளிருக் குவேளூர்
பற்ற வல்லவர்
பாவம் பறையுமே.  6

கையி னோடுகால்
கட்டி யுமரெலாம்
ஐயன் வீடினன்
என்பதன் முன்னம்நீர்
பொய்யி லாவரன்
புள்ளிருக் குவேளூர்
மையு லாவிய
கண்டனை வாழ்த்துமே.  7

உள்ளம் உள்கி
உகந்து சிவனென்று
மெள்ள வுள்க
வினைகெடும் மெய்ம்மையே
புள்ளி னார்பணி
புள்ளிருக் குவேளூர்
வள்ளல் பாதம்
வணங்கித் தொழுமினே.  8

இப்பதிகத்தில் 9-ம் பாடல் கிடைக்கப்பெறவில்லை.  9

அரக்க னார்தலை
பத்தும் அழிதர
நெருக்கி மாமலர்ப்
பாதம் நிறுவிய
பொருப்ப னாருறை
புள்ளிருக் குவேளூர்
விருப்பி னாற்றொழு
வார்வினை வீடுமே.

இத்தலம் சோழநாட்டிலுள்ளது.

சுவாமி : வைத்தியநாதர்;
அம்பாள் : தையல்நாயகி

திருச்சிற்றம்பலம் "ஓம் நமச்சிவாய"

Other Songs:
குழந்தை வரம் செல்வம் அருளும் திருவெண்காடு திருப்பதிகம் | கண்காட்டும் நுதலானும் Kankattum Nudhalanum:
   • குழந்தை வரம் செல்வம் அருளும் திருவெண்காடு ...  

திருமயிலை கற்பகாம்பாள் பதிகம் | இல்லத்தில் செல்வம் தரும் அம்மன் பக்தி பாடல் | Karpagambal Pathigam:
   • திருமயிலை கற்பகாம்பாள் பதிகம் | இல்லத்தில்...  

ஸ்ரீ மகா லட்சுமி சஹஸ்ரநாமம் | வீட்டில் செல்வ வளம் பெருக வரவைக்கும் பாடல் | Mahalakshmi Sahasranamam :
   • ஸ்ரீ மகா லட்சுமி சஹஸ்ரநாமம் | வீட்டில் செல...  

திருநீற்றுப் பதிகம் | பிணி தீர்க்கும் பதிகங்கள் | சிவன் பாடல் | Sivan Song | Thiruneetru Pathigam
   • நோய் நீங்கும் மந்திரம் திருநீற்றுப் பதிகம...  

Thank YOU for watching! Click 'Like' if you enjoyed it. And hit 'Subscribe' If you don't want to miss any videos
   / @shivaarpanam