မွေထိုင်း ပြန်ထိုးမယ်၊ ဗရော်နီကာနဲ့ ထိုးခွင့်ရချင်တယ်လို့ နောက်တစ်ကြိမ် ထပ်ပြောလိုက်တဲ့ စတမ့်ဖဲတက်

Описание: မွေထိုင်း ပြန်ထိုးတော့မယ်၊ ဗရော်နီကာနဲ့ ထိုးခွင့်ရချင်တယ်လို့ နောက်တစ်ကြိမ် ထပ်ပြောလိုက်တဲ့ စတမ့်ဖဲတက်
-------------------------
စတမ့်ဖဲတက် ဟာ လာမယ့် နိုဝင်ဘာလ ၁၆ ရက်နေ့မှာ ယှဉ်ပြိုင်ရမယ့် ONE 173 ပြိုင်ပွဲကြီးရဲ့ပွဲစဉ်အတွက် အင်တာဗျူးဖြေကြားချိန်မှာလည်း ဗရော်နီကာနဲ့ ထိုးခွင့်ရချင်တယ်ဆိုတာကို ထပ်ပြောသွားခဲ့ပါတယ်။ အခုမတိုင်ခင်ကလည်း စတမ့်ဖဲတက်ဟာ သူ့အနေနဲ့ တစ်နေ့နေ့ရောက်ရင် ဗရော်နီကာနဲ့ ထိုးခွင့်ရဖို့ မျှော်လင့်မိတဲ့အကြောင်း မီဒီယာတွေကို တစ်ကြိမ်ဖြေခဲ့ဖူးပြီးပါပြီ။ ဗရော်နီကာရဲ့တိုက်စစ်ကို ရဲရဲတင်းတင်းဖွင့်ပြီး ကစားတတ်တဲ့ပုံစံကို သူ အရမ်းပဲ သဘောကျတယ်လို့လည်း စတမ့်ဖဲတက်က အသိပေးထားပါတယ်။ စတမ့်ဟာ ဒဏ်ရာပြဿနာကြောင့် ပွဲတွေမထိုးဘဲ အနားယူနေခဲ့ရတာ ၂ နှစ်ကျော်လာခဲ့ပါပြီ။ ၂၀၂၃ ခုနှစ် စက်တင်ဘာလ ၃၀ ရက်နေ့က တောင်ကိုရီးယား ဖိုက်တာမလေး ဟမ်ဆိုဟီး ကို အနိုင်ကစားပြီးတဲ့နောက် စတမ့်က ဒဏ်ရာပြဿနာကြောင့် ပွဲဆက်ပြတ်တောက်သွားခဲ့တာပါ။ MMA နဲ့ ကစ်ဘောက်ဆင်ဘက်တွေမှာသာ ပွဲတွေထိုးနေခဲ့တဲ့ စတမ့်က ONE 173 ပြိုင်ပွဲကြီးမှာထိုးရမယ့်ပွဲစဉ်ပြီးရင် မွေထိုင်းဘက်ကို သူ ပြန်လာခဲ့မယ်လို့ အင်တာဗျူးမှာ ဖြေကြားသွားခဲ့ပါတယ်။ ONE 173 ပြိုင်ပွဲကြီးမှာ စတမ့်ဖဲတက်က ကစ်ဘောက်ဆင်ပွဲစဉ် ယှဉ်ပြိုင်ဖို့ ရှိနေပါတယ်။ ONE ဟာ စတမ့်ဖဲတက်ကို ဂျပန်ဖိုက်တာမလေး ကာနာနဲ့ ပွဲတည်ပေးထားတာပါ။ ကာနာဟာ စတမ့်ဖဲတက်လောက် အတွေ့အကြုံပိုင်းဆိုင်ရာ အားမကောင်းပေမယ့် ဂျပန်နိုင်ငံမှာ ထိုးရမယ့်ပွဲဖြစ်နေလို့ ဂျပန်ပရိသတ်တွေရဲ့အားပေးမှုနဲ့အတူ နိုင်ပွဲရယူနိုင်ဖို့ ကြိုးစားနေပါတယ်။