Klan News-10 kandidatë për drejtorin e ri të policisë

Описание: Këtë të mërkurë përfundon afati për dorëzimin e aplikimeve për postin e drejtorit të Policisë së Shtetit. 10 kandidatë kanë dorëzuar dokumentacionin pranë Ministrisë së Brendshme deri në orët e pasdites.

Bëhet fjalë për zyrtarë të Policisë së Shtetit me karrierë të gjatë në këtë fushë, të cilët synojnë të drejtojnë institucionin për një mandat 5-vjeçar, siç parashikon ligji.
Mes kandidatëve që kanë aplikuar është Pëllumb Seferi, aktualisht drejtor për Marrëdhëniet Ndërkombëtare në Policinë e Shtetit.

Një tjetër kandidat është drejtori i Policisë së Fierit, Skënder Hitaj, i cili gjatë karrierës së tij ka mbajtur poste drejtuese edhe në qarqet Shkodër dhe Dibër.

Po ashtu ka paraqitur kandidaturën edhe drejtori aktual i Policisë së Vlorës, Elidon Çela, i cili më herët ka drejtuar Agjencinë e Mbikëqyrjes Policore në Tiranë dhe ka mbajtur disa pozicione drejtuese në polici, por edhe Idajet Faskaj, i cili gjithashtu ka shërbyer në disa dikastere të Policisë së Shtetit. Dokumentacionin e ka plotësuar edhe drejtori aktual i Policisë së Durrësit, Afrim Tafa.
Për të drejtuar Policinë e Shtetit ka shprehur interes edhe ish-drejtori i disa drejtorive vendore, Lorenc Panganika, aktualisht pranë Akademisë së Sigurisë. Në garë është përfshirë edhe Tonin Vocaj, ish nr.1 i Policisë së Tiranës.

Pjesë është bërë edhe Gentian Shehaj. Deri në përfundim të afatit priten edhe aplikime të tjera të mundshme. Gjithashtu kanë aplikuar edhe drejtori i Policisë Kriminale, Neritan Nallbati, dhe Aranit Vrapi.
Të enjten, Ministria e Brendshme do të publikojë në faqen zyrtare emrat e kandidatëve. Brenda 10 ditëve, një Komision i Posaçëm i përbërë nga 3 persona, me kryetar një zëvendësministër të Brendshëm dhe me 2 anëtarë, sekretarin e përgjithshëm të këtij dikasteri dhe kreun e Agjencisë së Mbikëqyrjes Policore, kryen vlerësim paraprak për verifikimin e kushteve ligjore.

Ilir Proda qëndroi në këtë detyrë 17 muaj. Ai u largua pas protestës së 28 shkurtit, me argumentin se nuk arriti të garantonte rendin dhe sigurinë, pasi protestuesit e opozitës hodhën molotov në vilën e ish-diktatorit Enver Hoxha, brenda së cilës gjendeshin disa artistë të huaj. Deri në zgjedhjen e drejtorit të ri, në detyrë është komanduar zëvendësdrejtori Sokol Bizhga.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan