Pa Gjurme-E rrallë/E dashura i dhuron atë që gruaja s’mundi dot,burri surprizohet kur zbulon…17.2.22

Описание: #pagjurme #odetadume #reportTV
Historia e rrëfyer këtë të enjte në emisionin ’Pa Gjurmë’ në Report Tv është një histori e rrallë dashurie e një 64-vjeçari nga Shkodra. Me ndjenjën e shembshurisë për bashkëshorten, me të cilën nuk u nda deri ditën kur ajo ndërroi jetë dhe me pendesën e dy fëmijëve që u lindën nga një lidhje jashtëmartesore merr guximin të rrefejë jetën në një studio televizive. 64-vjeçari u martua në vitin 1977 me një vajzë nga Shkodra, me të cilën nuk mundën dot të bëheshin prindër. Ai bie në dashuri me një tjetër vajzë. Kjo histori e re dashurie zgjati plot 4 vite, periudhë gjatë së cilës ata u bënë prindër të 2 fëmijëve një djali dhe një vajze. Djali erdhi në jetë pranverën e vitit 1980 në Tiranë, por për shkak të kësaj marrëdhënie të fshehtë nëna e braktisi sapo e solli në jetë. Ajo rikthehet në Shkodër nga ku kishte ndërprerë lidhjen me babain e fëmijës. Pak kohë më pas çifti rikthehen tek njëri-tjetri, kur në jetë vjen vajza në vitin 1982, e cila 3 muajshe përfundon në jetimoren e Shkodrës. Fati i dy fëmijëve që erdhën në jetë nga kjo lidhje jashtëmartesore nuk u mësua kurrë nga babai i tyre. Ai ra në burg dhe këtu mori fund kjo dashuri e fshehtë. E vetmja grua që mbeti besnike në jetën e tij ishte bashkëshortja, me të cilën ai nuk u divorcua edhe pse nën lëkurë vuajti tradhëtinë e të shoqit. Ndërsa rrëfen këtë histori të pazakontë 64-vjeçari nuk i ndal lotët kur kujton bashkëshorten me ndjenjën e fajit që i shkaktoi dhembje pafund.
’U martuam me dashuri dhe ishim dy të rinj 18-vjeçarë. Shkonim shumë mirë me njëri-tjetrin por ajo nuk mbeti shtatzënë. Një vit pasi u martuam rashë në dashuri me një tjetër vajzë me të cilën lindi si një lojë por jeta mori tjetër rrjedhë. Ishte e vështirë pë mua, që në të njëjtën kohë të kisha këtë lidhje jashtmartesore. E dashura mbeti shtatzënë dhe ne menduam që ta abortonte, sepse nuk donim një fëmijë por ajo nuk pranoi. Iku tek motra në muajin e 7-të të shtatzanisë, në Tiranë ku solli në jetë djalin. Në atë kohë unë isha duke kryer shërbimin ushtarak. 10 ditë më pas ajo vjen në Shkodër dhe më tregon se kishte lindur dhe se djalin e kishte braktisur në maternitet duke mos i vënë as emër. Patëm një periudhë grindje, por u rikthyem prapë bashkë deri kur u ndamë përfundimisht. Unë rashë në burg pak kohë më pas dhe vonë kam mësuar se ajo kishte lindur edhe vajzën dhe se kishte dorëzuar në befotrofin e Shkodrës. Në fillim më dërgonte letra, në burg por më pas u shkëputëm përfundimisht. Ajo kishte krijuar një lidhje tjetër. Në burg më vizitonte vetëm bashkëshortja. Gruaja e zbuloi, por nuk nuk pranoi të ndahej nga unë. Ajo e pranoi lidhjen që unë kisha. Kjo lidhje zgjati 4 vite dhe kam shumë kujtime të bukura dhe të hidhura njëkohësisht. Ajo kurrë nuk mësoi se nga kjo marrëdhënie kishin ardhur në jetë dy fëmijët. Ndjehem fajtor për gjithçka i kam shkaktuar, më vjen keq për pasi ajo është ndarë nga jeta dy vite më parë. Ajo më pranoi ashtu siç isha edhe tradhtinë. Nuk ma ka kërkuar kurrë divorcin. Ishte një femër e veçantë, më donte shumë.
64 vjecari është sot në kërkim të dy fëmijëve që nuk i njohu kurrë.
Unë kam dashur t’i kërkoj çdo vit fëmijët e mi. Dua t’i gjej dhe e vuja shpirtërisht këtë gjë. Është diçka që ka ndodhur nuk mund ta mbaj të fshehtë përgjithmonë. 6 vite më parë më kanë thënë se ish-e dashura më ka kërkuar. Doja vetëm ta pyesja për fëmijët.
64-vjeçari nuk e dinte se pas këtij rrëfimi e priste një surprizë. Nga studio e emisionit ’Pa Gjurmë’ ai mëson për herë të parë emrin e një prej fëmijëve. Moderatorja e emisionit Odeta Dume i komunikoi bisedën që ka zhvilluar me zonjën që e bëri dy herë baba.
’Nga një bisedë që kam bërë me nënën e dy fëmijëve të tu, ajo më ka treguar se djalin e ka lindur në maternitetin e vjetër në Tiranë dhe se e ka braktisur po aty. Ajo nuk i ka vendosur as emër, por ka firmosur për ta dorëzuar në institucion. Ndërsa vajza ka lindur në Shkodër dhe është braktisur po në maternitet. 2 javë më pas ajo ka zbuluar se vajza ndodhej në befotrofin e Shkodrës. Ka mundur ta takojë vetëm një herë. Nga kërkimet zbuluam se vajza ka lindur më 14.04.1982 dhe i është vendosur emrin Ermira nga institucioni dhe ka mbiemrin e nënës. Ajo ka qëndruar 1 vit e pak muaj në shtëpinë e fëmijës dhe më pas është birësuar në veri të Shqipërisë’.