MITI i HOTIT 🔴 Te Kroni i Traboinit

Описание: MITI I HOTIT 🔴 TE KRONI I TRABOINIT.
Përurim i veçantë i librit "Miti i Hotit" i Kolec Palok Traboinit tek Kroni i Traboinit, organizuar nga shoqata "Dedë Gjon Luli" Hot më 15 tetor 2017. Është i treti libër që përurohet në Hot e Tuz në këto vitet e fundit nga ky autor dhe të tre trajtojnë aspekte historike por edhe kulturore e artistike të kësaj treve. Pas përgatitjes e botimit të dorëshkrimeve të Atit të vet Palok Traboini, ish sekretar i Dedë Gjon Lulit, mësues e kryengritës, "Flamurit në Deçiq" 2012, Kolec Traboini botoi rrëfimet për fëmijë "Djali nga Hoti" 2015. Ndërsa në vitin 2017 u afroi lexuesve të pasionuar pas historisë librin e tij të ri, "Miti i Hotit". Kolec Traboini me prejardhje nga fisi Gojçaj i Hotit, ka sjellë një vepër koncize me mësimin e madh se si një brez duhet të mbështetet fort tek një tjetër. Kryekreje në këtë vepër eseistike mbi bëmat e Malësisë së Hotit, këtë mit që e krijoi historia e u përpoqën ta rrënojnë sistemet absurde, të shfaqet fuqia mbresëlënëse e shëmbëllesës së të parëve tek pasardhësit.
Promovimin e hapi Fran Kola/Dedvukaj që ja dha fjalën shkrimtarit nga Tirana Pandeli Koçi. Folën gjithashtu shkrimtari e poeti Anton Gojçaj, poeti Qazim Muska, si dhe Sami Flamuri nga Ulqini. Studiuesi e koleksionisti Shtjefen Ivezaj i dorëzoi autori të librit “Miti i Hotit” çertifikatën e mirënjohjes. Kolec Traboini, falenderoi pjesëmarrësit, me pas me drejtuesin e shoqatës "Dedë Gjon Luli", Gjon Dushaj, poetin Anton Gojçaj e shkrimtarin Pandeli Koçi dhe poetin Qazim Muska, biseduan me dëshirën që tek Kroni i Traboinit të organizohet në mënyrë të përvitshme dita e poezisë. Libri "Miti i Hotit" ashtu si dhe librat e mëparshëm autori i shpërndau falas për bashkëmalësorët e vet nga Hoti dhe Tuzi. / © Pantheon Info 2017
   • MITI i HOTIT 🔴 Te Kroni i Traboinit