شيلة || ضباط البقوم ٢٠٢٠ || عليه بالثلاث الحارمه ما فالبقوم ارخوم | جزاء البقمي | فهد بن فصلا | حصري

Описание: ملاحظة : نسخك للمحتوى او إعادة رفعه يعرض قناتك للإغلاق

إشترك في قناة نواف البقمي | القناة الرسمية .
   / @oa.7u  
‏Snapchat : nawf1516
‏http://cutt.us/asoPX
‏Twittwr : Nawaf__Albqami
‏http://cutt.us/3rSCA
قناتنا في التيليجرام /
https://t.me/joinchat/AAAAAEiHYPN21F9...
نواف البقمي - القناة الرسمية ( حصرياً ) 2020
_______________________________________________________________

كلمات : جزاء البقمي
اداء : فهد بن فصلا
تصميم : نـواف الــبقــمي

الابيات :

وقفت و لا على راسي ملام و لا عليّه لوم
لا صرت افخر بروس ٍ تثني الردات فالهيه

هلا يا روس صبيان البقوم و نجدة المعدوم
هلا يا اهل الوفا و الفعل الابيض و الشهاميّه

و انا حاضر و لي ميقاف ٍ يشرّف و انا ملزوم
و راسي يتطّبخ و يطاول نجوم ٍ سماويّه

هنا المجد التليد في حلة اهل الطايله معزوم
هنا الاقوال بالافعال مكتوبه و مقريه

هنا بيت القصيد و شذرة السيف و هلا و تدوم
هنا صيت الفخر ما غاب ناره تصطلي حيّه ..

هنا سعد الرفيق و جنّة المحتاج و المظيوم
هنا تاج المراجل و النواميس الحقيقيّه ..

على وضح النقا حاضر بحاضر و الحضور بقوم
هل الوقفات و الفزعات مزبان الجلاويه ..

مواجيب الرجال اللي لهم فالطايلات وسوم
نموت و لا نخليها على الفضوات و النيّه ..

ثنينا دون دجنه ما خذيناها بحب خشوم
نهار ٍ فيه دخان البنادق حاجب ٍ ضيٍه ..

على الوادي لنا غرس و على صم الجبال رسوم
حمينا اسفله قدام لا نحمي علاويه ..

سهجنا البيد يوم القوم ما تامن هجاد القوم
و ترعى في ذرانا الفاطر الملحا الرهاويه ..

طحاطيح الرجال اللي نشيل الكايده و نقوم
و يشهد حاضر التاريخ بالوقفه لماضيّه ..

شهد وطبان و شليويح و ابن حميد عد التوم
و ابن هادي شهد و امجادنا ما هي بعاريّه ..

لنا ف ارض الحجاز و نجد فعل ٍ بالقنا محسوم
قبل لا يثبت الحكم السعودي فالسعوديه

و تحت بيرق امام المسلمين الحاكم الزيزوم
قلطنا ما حسبنا حساب خيّاله و رجليّه ..

لنا وجه ٍ طليق و مجد ٍ ابلج ما عليه ثلوم
و لنا عند القبايل جاه ٍ مقدّر و جاهيّه ..

لحانا ماهي بعرضه على سوق الشرا و السوم
اليا ارخص دم وجهه راعي النفس الدناويّه

و من يبغى يشق الصف قلنا له يصح النوم
ترانا لابة ٍ ما نتبع ( الغاوي ) و لا غيّه ..

نعقّب راعي الفتنه و خشمه بالرسن مخزوم
و ناطى صابره  قدام لا نكوي علابيّه

لو انّا ما ملكنا مال ابن لادن و ابن جمجموم
و لكن لا وقفنا ( وقفة العز ) البطوليّه ..

على حذف العمايم و العزواي و العلوم علوم
ثنينا دون ميقاف الرفيق و دون عانيّه

تهون الكايده لا صارت عزوم الرجال عزوم
و تصغر لا ثنو من دونها روس الشقرديه ..

عليّه بالثلاث الحارمه ما فالبقوم رخوم
و لا عشنا على راي الضعيف و لا مشاهيّه

مشايخ فعل ما حنّا مشايخ هرج و الا ختوم
في وقت ٍ فيه تجار الكلام جروحهم نيّه ..

و من ينخى صواريم البقوم فلازمه مخدوم
يبى يلقى المقام اللي يسر العين طاريّه ..