☸️

Описание: ဓမ္မစကြာတရားဒေသနာတော်သည် ဗုဒ္ဓဘာသာသမိုင်းတွင် အရေးကြီးဆုံးနှင့် ပထမဦးဆုံးသော တရားဒေသနာတော်ဖြစ်ပါတယ်။

၁။ ဟောကြားခဲ့သည့် အချိန်နှင့် နေရာ
• အချိန်: မြတ်စွာဘုရားအဖြစ်သို့ ရောက်ရှိတော်မူပြီးနောက် ပဉ္စမမြောက်နေ့ (ဝါတော် ပထမဝါ၊ ဝါဆိုလပြည့်ကျော် ၁ ရက်နေ့)။
• နေရာ: ဗာရာဏသီပြည်အနီးရှိ ဣသိပတန မိဂဒါဝုန်တော။
• နာယူခဲ့သူများ: ပဉ္စဝဂ္ဂီငါးဦး (ကောဏ္ဍည၊ ဝပ္ပ၊ ဘဒ္ဒိယ၊ မဟာနာမ၊ အဿဇိ)။

၂။ ဓမ္မစကြာ၏ အဓိပ္ပာယ်
• ဓမ္မ (Dhamma): တရားတော်၊ အမှန်တရား။
• စက္က (Cakka): ဘီး၊ စက်ဝိုင်း၊ အာဏာစက်။
• ပဝတ္တန (Pavattana): လည်စေခြင်း။

ဤသို့ဖြင့် ဓမ္မစက္ကပဝတ္တနသုတ် ဟူသည်မှာ တရားတည်းဟူသော အာဏာစက်ကို လည်စေခြင်း ဟု အဓိပ္ပာယ်ရပါတယ်။ လောကကို အလင်းပေးမည့် တရားတော်၏ အာဏာစက်ကို စတင်ဖွင့်လှစ် လည်ပတ်စေခြင်းဖြစ်ပါတယ်။

• ဓမ္မစကြာတရားတော်ကို နာယူပြီးနောက် ပဉ္စဝဂ္ဂီငါးဦးအနက် အရှင်ကောဏ္ဍည သည် "အကြွင်းမဲ့ မြင်ခြင်း" ဟူသော သောတာပန်အဖြစ်သို့ ပထမဆုံး ရောက်ရှိခဲ့ပါတယ်။

• ဤတရားပွဲအပြီးတွင် လောက၌ ပထမဦးဆုံးသော သာသနာတော်၏ အုတ်မြစ်ဖြစ်သည့် ရတနာသုံးပါး (ဘုရား၊ တရား၊ သံဃာ) ပြည့်စုံစွာ ပေါ်ထွန်းခဲ့ပါတယ်

‪@DhammaUK‬

☸️ ဓမ္မစကြာတရား​ဓမ္မစက္ကပဝတ္တနသုတ်)

ဖားအောက်တောရ သာသနာ့မော်ကွန်းတွင် ကျေးဇူးတော်ရှင် ဖားအောက်တောရဆရာတော်ကြီးသည် ပြည်ပသာသနာပြုခရီးစဉ်ကို ၁၉၉၇ခုနှစ်မှစတင်ခဲ့သည်။
အကြောင်းတိုက်ဆိုင်လာသဖြင့် အင်္ဂလန်နိုင်ငံသို့ ၂၀၀၅ခုနှစ်တွင် သာသနာပြုကြွပါရန် လန်ဒန်တိသရဏဝိဟာရအသင်းကြီးမှ ပထမအကြိမ်ပင့်ဆောင်ခဲ့သည်။ ထိုမှတဖန် အသင်းကြီးမှ ၂၀၀၆ခုနှစ်တွင်လည်း ဒုတိယအကြိမ် တစ်လတရားစခန်းပြုလုပ်ရန် ပင့်ဆောင်ခဲ့ပြန်ရာ ဆရာတော်ကြီးသည် နောက်ပါရဟန်းတော် အရှင်စန္ဒိမာ လိုက်ပါလျှက် ထိုနှစ်တွင် အမေရိကန်နိုင်ငံသာသနာပြုခရီးစဉ်မှ ပြန်လည်ထွက်ခွါ၍ ၃၀-၆-၂၀၀၆ ရက်နေ့တွင် အင်္ဂလန်နိုင်ငံသို့ရောက်ရှိကာ လန်ဒန်မြို့ တိသရဏဝိဟာရကျောင်းတိုက်တွင် သီတင်းသုံးကာ ပထမဝါ ဝါဆိုဝါကပ်ခဲ့သည်။
Tisarana Vihara ကျောင်းတိုက်တွင် ၂-၇-၂၀၀၆ ရက်နေ့မှ ၃၀-၇-၂၀၀၆အထိ တစ်လတရားစခန်း သင်ကြားပြသခဲ့ပါသည်။ ထိုနှစ်တွင်တိုက်ဆိုင်စွာ မြန်မာပြက္ခဒိန်အရ ဆရာတော်ကြီး၏ သက်တော် (၇၂)နှစ်ပြည့်ရက်အခါဖြစ်သည်နှင့် ဓမ္မစကြာတရားတော်ကို ဟောကြားပေးပါရန် လျှောက်ထားချက်ကို လက်ခံ၍ ဒေသနာတော်ကို ကျင့်စဉ်များအပါအဝင် ပါဠိတော်၊ အဋ္ဌကထာတို့ဖြင့် သေချာစွာသုံးသပ်၍ ဟောကြားခဲ့ပါသည်။
ထိုစဉ်က မှတ်တမ်းတင်ကိရိယာနှင့် နည်းပညာလိုအပ်ချက်များကြောင့် ဗီဒီယိုတိတ်ခွေများကို သိမ်းဆည်းထားခဲ့ရသည်။ ယခုနှစ်တွင် အင်္ဂလန်နိုင်ငံသို့ ဆရာတော်ကြီး၏ တပည့်များဖြစ်သော ဖားအောက်တောရ ပဓာန နာယကဆရာတော်၊ မန္တလေး-ဖားအောက်တောရရိပ်သာဆရာတော် အရှင်ကေသရိန္ဒနှင့် ပြင်ဦးလွင်-အပြည်ပြည်ဆိုင်ရာဖားအောက်တောရဆရာတော် အရှင်ကုမာရာဘိဝံသ တို့အသီးသီးကြွရောက်လာချိန်နှင့်အကြောင်းတိုက်ဆိုင်စွာ ပြန်လည်တည်းဖြတ်ရန် အဆေကြာင်းဖြစ်လာသည်။ ဆရာတော်ကြီး ပြည့်ပြည့်စုံစုံ ဟောကြားခဲ့သော ထိုဓမ္မစကြာတရားတော်ကို ရုပ်သံအရည်အသွေးပြန်လည်ပြုပြင်၍ အများဖူးမြင်နာကြားနိုင်ရန် စွမ်းသလောက် ဆောင်ရွက်ပါသော်လည်း လိုအပ်ချက်၊ အမှားအယွင်းများရှိခဲ့ပါလျှင် နားလည်ခွင့်လွှတ်ပေးပါရန် ကြိုတင်မေတ္တာရပ်ခံပါသည်။
တစ်လနီးပါး နေ့စဉ်ဟောကြားခဲ့သည့်တရားတော်များကို အချိန်အပိုင်းအခြားကြည့်ရလွယ်ကူစေရန် အပိုင်းလိုက် ပြန်လည်ပြင်ဆင်ပြီးလျှင် YouTube @DhammaUK ချန်နယ်တွင် “ဓမ္မစကြာတရားဒေသနာတော်” Playlist ကိုရှာဖွေဝင်ရောက် ကြည့်ရှုနိုင်ရန် သိမ်းဆည်းထားပါမည့်အကြောင်း။

မေတ္တာဖြင့်

ဆရာတော်ကြီး၏ တရား​တော်များကို လေ့လာနာယူ မှတ်သား၍ သူတော်ကောင်းတရားများ ကျင့်ကြံအားထုတ်သည့်အခါ မိမိတို့ လိုလားတောင့်တအပ်သော မြတ်နိဗ္ဗါန်ကို #မဂ္ဂင်ရှစ်ပါးကျင့်စဉ်တရား ဖြင့်
လွယ်ကူစွာမျက်မှောက်ပြုနိုင်ကြပါစေ။

#ကျေးဇူး​တော်ရှင်ဖား​အောက်ဆရာ​တော်
#ဖားအောက်တောရ
#ဖားအောက်ဆရာတော်
#PaAukSayadaw
#DhammaUK
#DhammaQandA
#KnowingAndSeeing
#Dhamma



‪@DhammaUK‬