SERGIO BRUNI - GRAZIELLA.wmv

Описание: Alla Voce di Napoli, Sergio Bruni, va attribuito il merito di aver studiato, raccolto ed inciso i canti napoletani popolari dal 1200 ai nostri giorni. E' il caso di Graziella, una nenia d'amore finita male. L'interpretazione di Bruni è soave.

GRAZIELLA
Canto popolare

A core, a core co Graziella mia
stevo assettato a chillo pizzo là.
Lo padre asceva e schitto c'era 'a zia
ma zitto, zitto nce se potea parlà.

La zia filava e poco nce senteva,
ca pe lo suonno la capa le pennea,
io la manella de nenna mia pigliavo
che nun voleva ma se facea vasà.

Essa cantava co chella bella voce,
lo mandolino i' me mettea a sonà.
Essa dicea cantanno doce doce
"Aniello mio, i' sempre t'aggio amato".

La zia filava e poco nce senteva,
ca pe lo suonno la capa le pennea,
ma si intrasatte essa maje se scetava
o' lacco subbeto i' me mettea a fa.

Ma chillo tempo comme priesto è passato,
darria lo sango pe farlo tornà.
Tann'ero allero e mo' so sventurato,
schitto t'arraggia 'e chiante aggià campà.

Graziella mia, Graziella me 'ngannaie,
mentre d'occhiate e squase m'abbuttaie,
ohi disperato tanto me so arredutto
ca o moro acciso o m'aggia vendecà.

O m'aggia vendecà.