តើដើម្បីប្រឆាំងនឹងកម្ពុជា ប្រទេសថៃ និងវៀតណាមខាងត្បូង បានធ្វើសកម្មភាពដូចម្ដេចខ្លះ? || My QandA

Описание: សំណួរទី១

តើប្រទេសកម្ពុជាបានប្រកាន់យកនូវនយោបាយអព្យាក្រឹតនេះដែរឬទេ? ហើយនយោបាយនេះបានជួយកម្ពុជាដូចម្ដេចខ្លះ?
ប្រទេសកម្ពុជាបានប្រកាន់យកនូវនយោបាយអព្យាក្រឹតនេះ។
នយោបាយនេះបានជួយកម្ពុជាឲ្យមានកិត្យានុភាពល្បីសុសសាយក្នុងតំបន់ហើយសូម្បីតែក្រុមប្រឆាំង នឹងព្រះអង្គក៏មិនហ៊ានប៉ះពាល់នយោបាយនេះដែរព្រមទាំង បានជួយឲ្យប្រជាពលរដ្ឋខ្មែរយើងរស់នៅដោយសុខសន្តិភាពអស់រយៈពេល ១៥ ឆ្នាំ ខណៈដែលប្រទេសជិតខាងកំពុងតឆាបឆេះភ្លើងសង្គ្រាម។

សំណួរទី២

តើសកម្មភាពនយោបាយរបស់សហរដ្ឋអាមេរិក វៀតណាមខាងត្បូង និងថៃមានទិសដៅដូចម្តេច? ក្នុងនយោបាយនេះ តើសហរដ្ឋអាមេរិកបានធ្វើដូចម្តេច?

សកម្មភាពនយោបាយរបស់សហរដ្ឋអាមេរិក វៀតណាមខាងត្បូង និងថៃ មានទិសដៅប្រឆាំងទៅនិងនយោបាយរបស់សម្ដេចព្រះបាទនរោត្តមសីហនុ ហើយក្នុងនយោបាយនេះសហរដ្ឋអាមេរិកបានផ្តល់ជំនួយដល់កម្ពុជា ប៉ុន្តែជំនួយនេះគឺមានទិសដៅចិញ្ចឹមពួកស្ដាំនិយមនៅកម្ពុជាដើម្បីធ្វើជាមធ្យោបាយផ្ដួលរំលំសម្តេចព្រះបាទនរោត្ដមសីហនុ ចេញពីអំណាចតែប៉ុណ្ណោះ។

សំណួរទី៣

តើជំនួយរបស់សហរដ្ឋអាមេរិកភាគច្រើនគឺជួយលើអ្វីខ្លះ?


ជំនួយរបស់សហរដ្ឋអាមេរិកភាគច្រើន គឺជួយលើវិស័យយោធា ហើយមួយផ្នែកទៀតបានធ្លាក់ទៅក្នុងដៃមន្ត្រីអ្នកមានអំណាច ។

សំណួរទី៤

តើដើម្បីប្រឆាំងនឹងកម្ពុជា ប្រទេសថៃ និងវៀតណាមខាងត្បូង បានធ្វើសកម្មភាពដូចម្ដេចខ្លះ?


ដើម្បីប្រឆាំងនឹងកម្ពុជា ប្រទេសថៃ និងវៀតណាមខាងត្បូង បានធ្វើសកម្មភាពដូចជា

បិទព្រំដែនសេដ្ឋកិច្ច ។

ប្រទេសថៃបានគាំទ្រសកម្មភាពពួកខ្មែរសេរីដែលជាកងទ័ពឧទ្ទាមប្រឆាំងរដ្ឋាភិបាលកម្ពុជាដោយបានផ្ដល់ទឹកដីឲ្យកសាង
ជំរំហាត់ទ័ព។

ប្រទេសថៃបានអនុញ្ញាតឲ្យកសាងស្ថានីយ៏វិទ្យុផ្សាយសំឡេង
ដើម្បីធ្វើការឃោសនាប្រឆាំងនឹងនយោបាយសង្គមរាស្ត្រនិយម។

កងទ័ពវៀតណាមបានធ្វើសកម្មភាពឈ្លានពានចូលបណ្តខេត្តមួយចំនួន នៅតាមបណ្ដោយព្រំដែន ។

ដកស្រង់ពីសៀវភៅប្រវត្តិវិទ្យាថ្នាក់ទី១២
#myqanda #subscribe #youtubers #សំនួរត្រៀមប្រឡងថ្នាក់ទី១២ #សំនួរត្រៀមប្រឡងបាក់ឌុប