Threads-те танысып, тақырға отырып қалмаңыз! ІІМ қазақстандықтарға ескерту жасады

Описание: Threads-те танысып, тақырға отырып қалмаңыз! Ішкі істер министрлігі қазақстандықтарға шұғыл ескерту жасады.Платформада #жаріздеймін, #танысқымкеледі деген хэштегтер қаптап кеткен. Ал тағдырымды таптым деп сенген кейбір азаматтар алаяқтың құрбанына айналып жатыр. Бүгін әлеуметтік желіде басталған “роман” ертең банк картасындағы соңғы теңгені сыпырып әкетуі мүмкін. Сезімге сеніп, сенделіп кетпес үшін нені ескеру қажет? Әріптесім Серік Дәрменұлы айтып береді.
Астаналық ару әлеуметтік желідегі таныстықтан сан соғып қалғандардың бірі. Өзін Арман деп таныстырған азамат екі күн ішінде қыздың сеніміне кіріп, артынша 200 мың теңге сұраған. Сезімге сенген қаракөз қарындас жылы сөйлеген алаяққа қалай тап болғанын өзі де түсінбей қалған. Камераға жүзін көрсетуге ұялған бойжеткен полицияға арыз жазуға да арланғанын айтады.
АЙДАНА:
Қалай тез бауыр басып қалғанымды білмедім. Сосын ол өзінің басындағы қиындықтар жайлы айта бастады. Біз негізі “үйленеміз” деген әңгімеге дейін барып қалған едік. Солай онлайн сөйлесу арқылы. Мен сендім. Шынымен де өмірде жолығатынымызға сендім.+Ол менен 200 мың теңге сұрады. Сөйлесіп бастаған кезде. Сосын бірінші өзімде бар 50 мыңды салып жібердім. Мен оны қайта-қайта іздедім. Нөміріне хабарластым. Бірақ мені барлық жерден блокқа тығып тастады.
Қазір Threads желісін ашсаңыз болды “жар іздеймін” деген жазбадан көз сүрінеді. Тіпті кейбірі болашақ жарының бойы мен салмағына дейін тізіп қойған. Ал полицейлер дәл осындай “армандағы жар” сценарийі бойынша талай адамды алданғанын айтады. Астана қаласында мұндай оқиғалар аз емес. Алайда көп адам арыз жазуға намыстанады екен. Соның кесірінен алаяқтар жазасыз қалып жатады. Мамандар кибергигиенаны сақтауға шақырады. Яғни, интернетте ешкімге сеніп, жеке ақпарат пен ақшаны бере салуға болмайды дейді.
АЙДАР ҚОНЫСБЕК, Астана қаласы ПД киберқылмысқа қарсы іс-қимыл басқармасының аға жедел уәкілі:
Мына киноға барайық, екі билет ала сал деген сияқты ұсыныстар айтады. Сіз ешқандай қауіп көрмей, сілтемені ашасыз. Билетті сатып алған кезде өзіңіздің банктік деректеріңізді тере бастайсыз. Ал ол сайт негізінде фишинг түрінде жасалған. Сіздің жеке деректеріңізді ұрлауға арналған сайт.
Өткен жылы бір ғана Астана қаласы бойынша сезімге сеніп алданғандар саны 10 -нан асып шығылады. Бұл нақты тіркелген ресми дерек. Ал, өзінің алаяқтың құрбаны болғанына ұялып арызданбағандары қанша ма. Сондықтанда, тәртіп сақшылары виртуалды махаббаттың соңы шынайы қаржылық шығынға әкелуі мүмкін екенін ескертеді. Экранның ар жағындағы “сезім” кейде кәсіби сценарий болып шығатынын ұмытпаған жөн.Сол үшін, бейтаныс жанға сеніп, банк қосымшасын ашпас бұрын — бір сәт ойланған абзал дейді.



#Информбюро #31арна #БастыЖаңалықтар #Новости #31канал