Кара-Сууда бир түндө 13 баш мал уурдаган кылмыштуу топ кармалды

Описание: Zobolo — Кара-Сууда мал уурдаганга шектелген кылмыштуу топ кармалды. Бул тууралуу Zobolo масс-медиасына Ош милициясынан кабар беришти.

Маалыматка ылайык, 2024-жылдын 4-октябрь күнү Кара-Суу райондук ички иштер бөлүмүнө Датка айыл аймагынын 1972-жылы туулган М.Р. аттуу жаран арыз менен кайрылган.

Анда 2024-жылдын 3-октябрынан 4-октябрына караган түн ичинде таалада байланып турган жеринен 7 баш малын белгисиз адамдар уурдап кеткендигин билдирген. Ушул эле күнү дагы 1 жаран арыз менен кайрылып, 6 баш малын белгисиз атуулдар уурдап кетишкендигин айтып, арызданган. Келтирилген зыяндын болжолдуу суммасы 800,000 (сегиз жүз миң) сомду чапчыган.

Аталган фактылар каттоого алынып, тергөөгө чейинки текшерүү иштери башталган.

"— Чогултулган материалдын негизинде Кылмыш-жаза кодексинин 205-1-беренеси (Мал уурдоо) боюнча кылмыш иши козголуп, ыкчам тергөө амалдары башталган", — деп айтылат маалыматта.

Кара-Суу райондук ички иштер бөлүмүнүн милициянын аймактык ыйгарым өкүлдөрү тарабынан жүргүзүлгөн ыкчам-издөө иш-чаралардын натыйжасында кылмышка шектүү катары Сузак районунун 1996-жылы туулган С.А. жана Кадамжай районунун 2000-жылы туулган М.у.К. аттуу тургундары кармалышып, камакка алынышты.

Уурдалган малдарды коңшу өлкөгө сатып жибергени маалым болду.
Учурда Кара-Суу райондук ички иштер бөлүмүнүн Кылмыш иликтөө бөлүмүнүн кызматкерлери тарабынан шектүүлөрдүн башка кылмыштарга тиешеси бардыгын аныктоо боюнча ыкчам-издөө иш-чаралары жүрүүдө.

Булак: Zobolo масс-медиасы

https://zobolo.kg/kara-suuda-bir-t%D2...