Dinay IT sohasidagi ayol va qizlarni qo'llab-quvvatlaydi

Описание: 21-may kuni soat 14.00 da Toshkent shahridagi Inha universitetida IT-texnologiyalar sohasida karyera qurayotgan qizlarga bag‘ishlangan “Women Techmakers IWD ’22” uzoq kutilgan tadbir bo‘lib o‘tdi.

Dinay IT sohasidagi ayol va qizlarni qo'llab-quvvatlaydi va ushbu tadbirga ham homiylik qildi.

Tadbirdan maqsad texnologiyalar haqida seminarlar, dizayn ma'ruzalari, ayollar uchun imkoniyatlar to'g'risidagi sessiyalar, shuningdek, ajoyib amaliy seminarlar orqali ijodkor qizlarni ilhomlantirish edi. Ma’ruzalar davomida IT-mutaxassislari ishtirokchilarga o‘z tajribalari bilan o‘rtoqlashdilar va IT-sohasida qizlar uchun mo'ljallangan imkoniyatlar haqida gapirib berishdi.

Tadbir interaktiv formatda bo‘lib, unda nazariy qismdan tashqari amaliy mashg‘ulotlar ham o‘tkazildi. Ma’ruzachilar veb-dizaynning muhim jihatlari haqida so‘zlab berdilar, shuningdek, filmlarni tavsiya qilish tizimini qanday ishlab chiqqanlari bilan o‘rtoqlashdilar. Ma’ruza va amaliy mashg‘ulotlar oralig‘idagi tanaffuslarda ishtirokchilar uchun mevali ichimliklar, sneklar va shirinliklardan iborat bufet stoli tashkil etildi.

Ishtirokchilar IT sohasi jahondagi eng istiqbolli sohalardan biriga aylanganini hisobga olib, amaliy mahorat darslarining dolzarbligini ta’kidladilar. Tashkil etilgan tadbir Toshkent shahrida ayollar IT hamjamiyatini yaratishga xizmat qiladi. Tadbir so‘ngida IT-sohaga qiziquvchi ishtirokchilar o‘rtasida yaqin aloqa o‘rnatish maqsadida qizlarga pitsa va jonli musiqa tadbiri tashkil etildi.
#RicomelBeverages #Dinay #GDGTashkent