კონტრაპუნქტი N5

Описание: 20 აპრილს, საქართველოს კულტურისა და ძეგლთა დაცვის სამინისტროს მხარდაჭერით ევგენი მიქელაძის სახელობის ეროვნულ მუსიკალურ ცენტრში, გაიხსნა საქართველოს ეროვნული მუსიკალური ცენტრის მიერ 2007 წელს დაფუძნებული თანამედროვე მუსიკის ფესტივალი ,,კონტრაპუნქტი'', რომელსაც ესწრებოდა საქართველოს კულტურისა და ძეგლა დაცვის მინისტრის მოადგილე ბადრი ბაგრატიონ-გრუზინსკი.

კონტრაპუნქტი N5 მიეძღვნა ვაჟა აზარაშვილისა და სომეხი კომპოზიტორის - ტიგრან მანსურიანის შემოქმედებას.

სპეციალურად ამ ფესტივალისთვის თბილისს ეწვია თავად კომპოზიტორი - ტიგრან მანსურიანი; მუსიკოს-შემსრულებლები სომხეთიდან: არტურ ავანესოვი (ფორტეპიანო), ანუშ ნიკოგოსიანი (ვიოლინო), ლევონ არაქელიანი (ჩელო); დირიჟორი -- რუბენ ასატრიანი და მსოფლიო რანგის სოლისტი, 2013 წლის გრემის მფლობელი - კიმ კაშკაშიანი (ალტი).


კონცერტზე მსმენელის წინაშე წარსდგნენ ირაკლი ევსტაფიშვილი (ფლეიტა), გიორგი ცაგარელი (ალტი) და კიმ კაშკაშიანი (ალტი). შესრულდა ვაჟა აზარაშვილისა და ტიგრან მანსურიანის ნაწარმოებები.

განხორციელებული 4 ფესტივალის ფარგლებში შესრულდა ქართველ და უცხოელ კომპოზიტორთა არაერთი პრემიერა. კონტრაპუნქტის მთავარი იდეა მდგომარეობს, იმაში რომ მსმენელი გაეცნოს ერთი და იმავე პერიოდში მოღვაწე, განსხვავებული ეროვნების ორი კომპოზიტორის სხვადასხვა ჟანრის შემოქმედებას. ფესტივალის ფარგლებში დაგეგმილია კიდევ ორი საავტორო კონცერტი.
http://www.culture.gov.ge/
  / culturegovge  
http://twitter.com/#!/CULTUREgovge
   / culturegovge  
http://www.flickr.com/photos/cultureg...
http://www.myvideo.ge/?user_id=855045