သာကူ အလွယ်ကျိုနည်း နဲ့ နှင်းဆီပူတင်းအအေး

Описание: ဟိုးအရင်က ရိုက်ထားတဲ့ ဗီဒီယိုလေးပါ၊

ပထမဆုံးသာကူ ကျိုဖို့အတွက် ခွက် ၁ ခွက်လိုပါတယ်၊
သာကူ ၁ ခွက် ဆို ရေ ၁၀ ခွက်လိုပါတယ်၊
ရေ ၁၀ ခွက်ကို အိုးထဲထည့်ပြီး ပွက်ပွက်ဆူအောင်တည်ထားပေးပါ၊ ရေဆူလာရင် သာကူ ၁ ခွက်ကို ထည့်ပေးပါ၊
၇ မိနစ်လောက် မွှေပေးပါ၊ ပြီးရင် အဖုံးပိတ်၊ မီးပိတ်၊ မိနစ် ၃၀ လောက် နှပ်ထားပေးပါ၊ ဒါဆိုရင် သာကူစေ့ အဆန်ဖြူလေးတွေပျောက်ပြီး ကြည်နေတဲ့ သာကူစေ့လေးတွေရပြီဖြစ်ပါတယ်၊ ရေတွေကို ဇကာနဲ့ စစ်လိုက်ရင် သာကူစေ့လေးတွေရပါပြီ၊
ဒီအအေးဖျော် ဖို့ မပါမဖြစ်က နှင်းဆီအချိုရည်ပါ၊ စင်္ကာပူနိုင်ငံက ထုတ်ပါတယ်၊ စူပါမားကတ်တွေမှာ ဝယ်လို့ရပါတယ်၊ အအေးဖျော်သလိုပါပဲ နှင်းဆီ အချိုရည်ရယ်၊ နွားနို့အေးရယ် ရောပါ၊ ဖန်ခွက်ထဲမှာ သာကူနဲ့ ပေါင်မုန့် ပူတင်း ထည့်၊ နှင်းဆီနို့အေးထည့်၊ ဒါဆိုရင် ဖာလူဒါအရသာ နှင်းဆီပူတင်းအအေးလေးကို သုံးဆောင်နိုင်ပါပြီခင်ဗျာ၊


ဟိုးအရင်က K2 Vlog ဆိုပြီး လုပ်ခဲ့ တဲ့ ဗီဒီယိုလေးပါ၊ ဟိုလုပ်ဒီလုပ် လျောက်လုပ်ရင်းနဲ့ ချန်နယ်တွေများနေတော့ ချန်နယ်တွေ ဖျက်ပြီး မုန့်လုပ်နည်းလေးဖြစ်တာကြောင့် ဒီမှာ ပြန်လာတင်တာပါခင်ဗျာ၊

Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။