أصغر شاعر رافضي شيعي يمسح الأرض بالنواصب

Описание: يقال ان العراقي يولد شاعراً .. وهذا هو الاثبات .. طبعاً الكاتب هو غيره لكن اداءه والقائه يسوه الف شاعر

موش على الورق اكتب بحلك الحوت
قصيدة وما خفت ينبلع مطلعها
كالو تنبلع كتلهم اتحداك
على عنادة ارد اشوف شلون يبلعها
انا كاتب علي ابأول سطر ما خاف
طلع منها يونس ما يطلعها
سهل يا ابا الحسن لو صعب شنسميك
حازم لو سمح لو كلهة جامعها
نفس جفك علي تركع فتوك الثوب
علي اتشيل الزلم بالكاع تركعها
بتاريخك اشوفأ خيل تردم خيل
وخبزة وجف يتيم وروس كاطعها
وجي التاريخ غيرك سكتة يا مولاي
بحيث الابرة من تطيح تسمعها
انتة مو بلال اليصعد على البيت
النبي رادك علي الاذان ترفعها
شافك تحت منه مفطرة الحيطان
تصعد فوكة على الكاع تطبعها
علي ما ترد كلك من ترد للبيت
كلك مال غيرك ما ترجعها
اكيد تبات كلك على ارامل سور
عدى بهامك يبات بحلك رضعها
الضدك يا علي راس وعقب مكلوب
يرى الوديان فوك الجبل موضعها
اول يا علي الواكف عدل يقراك
بس المنكلب يقراك رابعها
ادري شلون لحك ينزع ابن العاص
اليمك ما يلحك ايدة يرفعها
علي سيفك برق لحك نزعها شلون
احلف من طلع من بيتة نازعها
علي بطبتك للجن ما شلعت الكاع
جا بس خيبر على اعداك قالعها
الحجي بيناتنه شالعة يامولاي
بس انتة علي وما كلت شالعها
رجعت الشمس لا سيدي ما كول
ربك لان ما صليت رجعها
لان جنت بصلاتك تسعد الرحمن
اشتها نغمة دعائك راد يسمعها
شكد جفوف عندك لا تكلي ثنين
عقول الحبتك ياسيدي قنعها
جفوف ايتام عند ونتة يامولاي
جنت بأن واحد كلهه تشبعها
جنت بأن واحد كلهه تشبعها...
للشاعر نهاد الخيكاني