Politikanët shqiptarë reagojnë për të plagosurit nga aksidenti në Pukë-(18 Korrik 2010)

Описание: Lajme Arkiva 2010

Bamir Topi: “Po të bësh bilancin e aksidenteve, sidomos në sezonin e verës, numri është shumë i madh dhe padyshim që apeli i parë i jepet çdo qytetari. Duhet ta vlerësojmë të gjithë, sepse jeta jepet vetëm një herë. Jeta është shumë e shtrenjtë dhe unë mendoj që është një apel që i shkon të gjithë drejtuesve të automjeteve, sidomos ato që shërbejnë për publikun, që duhet patjetër të kenë një kujdes të jashtëzakonshëm të mendojnë për jetën e tyre. Nuk duhet parë polici rrugor si personi që të vendosë gjobën, përkundrazi. Ai duhet të shikohet si personi që i shërben ligjit, që i shërben qytetarëve, i shërben atij që jep makinës, po dhe atij që është këmbësor. Pra, ky është apeli që unë mund të jap sot. Mos mendoni vetëm ditën e tragjedive të mëdha.”

Ilir Meta: “Jam i bindur që kjo ngjarje është shumë e rëndë, shumë tragjike dhe shumë e rrallë me solidaritetin dhe me përkrahjen që po tregon i gjithë opinioni publik, por edhe qeveria dhe gjithë institucionet e tjera shtetërore. Do të vijë duke u kaluar dhe do të gjenden gjitha mënyrat për të ndihmuar të gjitha ato familje që janë dëmtuar në një mënyrë, do të thosha, të pallogaritshme.

Lulzim Basha: “Gjendja e shumicës prej të shtruarve paraqitet e stabilizuar. Natyrisht, ka tre raste, të cilat vazhdojnë të kenë kujdesin intensiv të mjekëve dhe për të cilët mund të interesohemi nga ora në orë dhe nga dita në ditë. Po presim lajme të mira, shpresojmë të kemi lajme të mira. Siç kemi vepruar në 24 orët e para do të vazhdojmë të veprojmë edhe në ditët në vazhdim. Edhe sa i përket situatës këtu të pacientëve jam jashtëzakonisht i prekur nga përkujdesja, përkushtimi i mjekëve, edhe sa i përket natyrisht kujdesit në vazhdim, ku me porosi të kryeministrit është përgatitur baza ligjore për ardhjen time të menjëhershme familjeve të viktimave dhe të plagosurve.”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/