“ကျွန်မတို့က အသေခံစရာရှိရင် လူထုရှေ့ကနေ အသေခံမှာပါ။… ပြည်သူလူထုရဲ့ မျက်ရည်ကို သုပ်ပေးမယ် ”

Описание: PLA အထွေထွေအတွင်းရေးမှူး ရဲဘော်နီနီကျော်နဲ့ဆက်သွယ်မေးမြန်းမှု

27 June 2025 By MPA

အညာမြေ စစ်ကိုင်းတိုင်း၊ ပုလဲမြို့နယ်အတွင်းက ပြည်သူတွေလွတ်မြောက်ရေးတိုက်ပွဲဝင်နေတဲ့ ကွန်မြူနစ်တပ် ပြည်သူ့လွတ်မြောက်ရေးတပ်မတော်-PLA ဟာ ပြီးခဲ့တဲ့ ဇွန်လ ၁၀ ရက်နေ့တုန်းက စစ်ကောင်စီရဲ့ ဂျက်ဖိုက်တာကို အညာမှာ နွေဦးတော်လှန်ရေးသမိုင်းတလျှောက်ပထမဆုံးအနေနဲ့ ပစ်ချလိုက်နိုင်ခဲ့မှုနဲ့အတူ အညာလူထုကြား ရေပန်းစားလာပါတယ်။ ထပ်ဆင့်ပြီး ဇွန် ၂ ရက်နေ့ကတည်းက ကြိုးပမ်းနေတဲ့ ဗျူဟာအလွန်ကျတဲ့ ကန့်ဒေါင့်ရဲစခန်းကို လူထုခေါင်းဆောင်မွေးနေ့ဖြစ်တဲ့ ဇွန် ၁၉ ရက်နေ့မှာ မွေးနေ့လက်ဆောင်အဖြစ် သိမ်းပိုက်ရရှိခဲ့ပြန်ပါတယ်။
ဒီလိုအောင်မြင်မှုတွေရလာဖို့ အညာမှာ PLA တပ်တွေ ဘယ်လိုရုန်းကန်ခဲ့ရလဲ။ ကွန်မြူနစ်ဆို ရွံ့တတ်တဲ့ ဗမာတိုင်းရင်းသားတွေရဲ့ ယုံကြည်မှုရအောင် ဘယ်လို၊ ဘယ်လောက်အထိ ကြိုးပမ်းခဲ့ရလဲ။ တရုတ်နောက်ခံနဲ့ တင့်တယ်နေတယ်ဆိုတာရော ဟုတ်ပါသလား။ သူတို့ ဘယ်လိုရုန်းကန်ရပ်တည်နေကြတာလဲ။ ပြည်သူတွေအပေါ်ထားတဲ့သူတို့ရဲ့ ကတိသစ္စာအကြောင်း၊ ဘယ်လိုရည်ရွယ်ချက်တွေနဲ့ နွေဦးတော်လှန်ရေးမှာ အုတ်တစ်ချပ်၊ သဲတစ်ပွင့်အနေနဲ့ ပါဝင်နေပြီး ဘယ်သူတွေနဲ့ မဟာမိတ်ဖွဲ့ထားသလဲ စတဲ့ PLA အပေါ်ရှိနေတဲ့ ဒွိဟပေါင်းများစွာကို ဒီအင်တာဗျူးမှာ နားဆင်ကြည့်ရှုနိုင်ပါတယ်။