Jab Imam Ayengaye (Sibte Jaffer) - جب امام آئیں_گے Lyrics [ENGLISH TRANSLATION]

Описание: Recited by Shaheed Ustad Sibte Jaffer Zaidi
Please recite a Surah-e-Fateha for Marhum Sibte Jaffer who was killed in Karachi, Pakistan in March 2013.
Lyrics:
Haal-e-Gham Sunayenge Jab Imam Ayenge
Zakhm-e-Dil Dikhayenge Jab Imam Ayenge

Mehfilein Jamaayenge Jab Imam Ayenge
Baam-o-Dar Sajayenge Jab Imam Ayenge
Jashn Hum Manaayenge Jab Imam Ayenge


1) Zakhm Hain Abhi Taza Makka Aur Madina Key
Shaam-o-Kufa Karb-o-Bala Hum Bhula Nahin Saktey
Az Saqifa Tayeen Dan Ghair Se Nahin Pohnchey
Jitney Dukh Uthaye Hain Hum Ne Kalma Goyon Sey
Aik Aik Chukayenge Jab Imam Ayenge


2) Shak Hai Jin Ko Allah Key Adal Aur Adalat Par
Mansab-e-Nubuwwat Par Syeda (S.A.) Ki Ismat Par
Murtaza Ki Ahmed Se Muttasil Niyabat Par
Jin Ko Shak Hai Baara Par Barwein (AJTF) Ki Ghaibat


3) Naam Par Sahaba Key Kaam Kafiron Jaisey
Naam Par Sahaba Key Kaam Fasiqon Jaisey
Naam Par Sahaba Key Kaam Munkiron Jaisey
Naam Par Sahaba Key Kaam Mushrikon Jaisey
Sab Hi Moon Churayenge Jab Imam Ayenge


4) Dawa-e-Muhabbat Jo Subh-o-Shaam Kartey Hain
Un Key Dushmanon Se Bhi Rah-o-Rasm Rakhtey Hain
Khums Bhi Nahin Detey Gheebatein Bhi Kartey Hain
Mominon Se Bhi Dil Mein Bughz-o-Keena Rakhtey Hain
Kis Tarhan Nibhayenge Jab Imam Ayenge


5) Jhoot Bolney Ko Hum Mashghala Samajhtey Hain
Baat Baat Par Beja Maslihat Barastey Hain
Aur Munafiqat Ko Bhi Maslihat Hi Kehtey Hain
Lehb-o-Laab Ka samaan Hum Gharon Mein Rakhtey Hain
Kis Tarhan Chupayenge Jab Imam Ayenge


6) Nemat-e-Shariyat Ko Bojh Hi Samajhtey Hain
Lehb-o-Laab hi Ko Hum Zindagi Samajhtey Hain
Sahibaan-e-Zar Ko Bara Aadmi Samajhtey Hain
Tang Dast Momin Ko Bus Yunhi Samajhtey Hain
Kiya Maqaam Payenge Jab Imam Ayenge


7) Yeh Humarey Maqr-o-Riyah Shatirana Ayyari
Kiya Humarey Saum-o-Salaat Aur Yeh Azadari
Kitna Hai Khuloos In Mein Kis Qadar Riyah Kaari
Kiya Imam Ki Khaatir Hum Ne Ki Hai Tayyari
Kaisey Moon Dikhayenge Jab Imam Ayenge


8) Al Ajal Jo Kehtey Hain Aa Gayey To Kiya Hoga
Kiya Hai Apni Tayari Paish Hum Karengey Kiya
Sibt-e-Jaafar Apna To Kul Yehi Hai Sarmaya
Hamd-o-Naat-o-Soz-o-Salaam Aur Manqabat Nauha
Hum Yehi Sunayenge Jab Imam Ayenge