1078 CCC വകുപ്പ് 1 മാമ്മോദീസ എന്ന കൂദാശ- 1223, 232, 1224, 536

Описание: സഭയുടെ ഏഴു കൂദാശകൾ

വകുപ്പ് 1

മാമ്മോദീസ എന്ന കൂദാശ

II - മാമ്മോദീസ രക്ഷാപദ്ധതിയിൽ

ക്രിസ്തുവിൻറെ മാമ്മോദീസ

1223 പഴയ ഉടമ്പടിയിലെ സകല പ്രതിരൂപങ്ങളും യേശുക്രിസ്തുവിൽ അവയുടെ - സാക്ഷാത്കാരം കണ്ടെത്തുന്നു. സ്നാപകയോഹന്നാൻ യോർദാൻ നദിയിൽ വച്ചു നൽകിയ മാമ്മോദീസ സ്വീകരിച്ചതിനുശേഷം യേശു തന്റെ പരസ്യജീവിതം തുട ങ്ങുന്നു. തന്റെ പുനരുത്ഥാനശേഷം അവിടുന്ന് അപ്പസ്തോലൻമാർക്ക് ഈ ദൗത്യം നൽകുന്നു: “ആകയാൽ നിങ്ങൾ പോയി എല്ലാ ജനതകളെയും പഠിപ്പിക്കുവിൻ. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ അവർക്കു ജഞാനസാനം നൽകുവിൻ. ഞാൻ നിങ്ങളോടു കൽപിച്ചവയെല്ലാം അനുസരിക്കാൻ അവരെ പഠിപ്പിക്കുവിൻ.”

side para 232 “പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ” ആണു ക്രിസ്ത്യാനികൾ മാമ്മോദീസ സ്വീകരിക്കുന്നത്. മാമ്മോദീസയ്ക്കുമുൻപ്, “പിതാവിലും പുത്രനിലും പരിശുദ്ധാത്മാവിലും വിശ്വസിക്കുന്നുവോ?' എന്ന മൂന്നു ഭാഗങ്ങളുള്ള ഒരു ചോദ്യത്തിന്, "ഞാൻ വിശ്വസിക്കുന്നു' എന്നുപറഞ്ഞ് അവർ ഉത്തരം നൽകുന്നു. "സർവകിസ്ത്യാനികളുടെയും വിശ്വാസം പരിശുദ്ധ ത്രിത്വത്തിൽ
അധിഷ്ഠിതമാണ്.

1224 വി. യോഹന്നാൻ നൽകിയിരുന്ന, പാപികൾക്കായുള്ള മാമ്മോദീസ, നമ്മുടെ കർത്താവ്, “എല്ലാ നീതിയും പൂർത്തിയാക്കാൻ വേണ്ടി” പൂർണമനസ്സോടെ സ്വീകരിച്ചു. യേശുവിന്റെ ഈ പ്രവൃത്തി, തന്നെത്തന്നെ ശൂന്യനാക്കുന്നതിന്റെ ഒരു പ്രകടനമാണ്. ആദിമസൃഷ്ടിയിൽ ജലത്തിനുമേൽ ചലിച്ചുകൊണ്ടിരുന്ന പരിശുദ്ധാത്മാവ്, അപ്പോൾ ക്രിസ്തുവിൻറമേൽ, പുതിയ സൃഷ്ടിയുടെ നാന്ദിയായി, ഇറങ്ങിവന്നു. യേശുവിനെ തന്റെ പ്രിയപുത്രനായി പിതാവു വെളിപ്പെടുത്തുകയും ചെയ്തു.

side para 536 സഹിക്കുന്ന ദാസൻ എന്ന നിലയ്ക്കുള്ള യേശുവിന്റെ ദൗത്യത്തിന്റെ സ്വീകരണവും ഉദ്ഘാടനവുമാണ് യേശുവിന്റെ ഭാഗത്തുനിന്ന് അവിടുത്തെ മാമ്മോദീസ. പാപികളുടെകൂടെ എണ്ണപ്പെടുവാൻ അവിടുന്നു സ്വയം സമ്മതിക്കുന്നു. “ലോകത്തിന്റെ പാപം നീക്കുന്ന ദൈവത്തിന്റെ കുഞ്ഞാടാണ് അവിടുന്ന്.” അവിടുത്തെ മാമ്മോദീസ അവിടുത്തെ രക്തംചിന്തിയുള്ള മരണത്തിന്റെ മുന്നനുഭവമാണ്. “എല്ലാ നീതിയും പൂർത്തിയാക്കുന്നതിന്” അവിടുന്ന് ആഗതനായിരിക്കുന്നു. അതായത്, പിതാവിന്റെ തിരുഹിതത്തിന് അവിടുന്നു പൂർണമായി തന്നെത്തന്നെ വിധേയനാക്കുന്നു: നമ്മുടെ പാപവിമോചനത്തിനായി മരണത്തിൻറെ മാമ്മോദീസ സ്വീകരിക്കുവാൻ ഈശോ സ്നേഹംനിമിത്തം സ്വയം സമ്മതിക്കുന്നു. തന്റെ പുത്രനിലുള്ള സർവ സംപ്രീതിയും ഉദ്ഘോഷിച്ചുകൊണ്ട് പിതാവിന്റെ സ്വരം പുത്രന്റെ സമ്മതത്തി നു പ്രത്യുത്തരം നല്കുന്നു. ഉദ്ഭവനിമിഷംമുതൽ യേശുവിൽ പൂർണമായി കുടികൊണ്ടിരുന്ന പരിശുദ്ധാത്മാവ് “അവിടുന്നിൽ ആവസിക്കുവാൻ” ആഗതനാകുന്നു. മനുഷ്യകുലത്തിനു മുഴുവൻ വേണ്ടിയുള്ള പരിശുദ്ധാത്മാവിന്റെ ഉറവിടമാണ് യേശു. അവിടുത്തെ മാമ്മോദീസയിൽ “സ്വർഗം തുറക്കപ്പെട്ടു.” ആദത്തിന്റെ പാപംമൂലം അടയ്ക്കപ്പെട്ടിരുന്ന സ്വർഗം യേശുവിന്റെ മാമ്മോദീസയിൽ അവിടുത്തേപ്രതി തുറക്കപ്പെട്ടു. യേശുവും പരിശുദ്ധാതാവും ജലത്തിലേക്ക് ഇറങ്ങിയതോടെ ജലമെല്ലാം പവിത്രീകൃതമായി. നൂതന സൃഷ്ടികർമത്തിന്റെ മുന്നോടിയായിരുന്നു ഇത്.