【白馬岳】獨遊白馬三山｜3天2夜路線攻略｜北阿爾卑斯山｜猿倉莊～鑓溫泉～白馬山莊～栂池｜廣東話中字

Описание: 東南亞第一高峰馬來西亞神山 👉   • 東南亞最高峰神山！Mount Kinabalu 4,095米海拔⛰️【一生人一次】1...  
登上全日本最高海拔富士山頂峰3776 👉    • 富士山3776登頂記錄 | 一泊二食富士宮路線 | 人生必定行一次 | 2023年 ...  
富士山超詳細登頂及裝備攻略 👉   • [富士山登頂攻略🗻] 衣著、裝備、器材分享｜開山日子、山小屋狀況｜IG, YT留言Q...  

Follow👉   / yyywilde  

🏕 景觀 5/5 ⭐⭐⭐⭐⭐
💪 難度 4/5 ⭐⭐⭐⭐
⌚ 總時間21小時（未包括入住山屋後） / 📸 6小時影相+休息
⛰️ 最高約2,932米 / 🧗總爬升2,467米
📏 總步行23公里
🚩 D1：猿倉莊➜白馬鑓溫泉小屋
D2：白馬鑓溫泉小屋➜鑓ヶ岳➜杓子岳➜白馬頂上宿舍➜白馬山莊
D3：白馬山莊➜白馬岳➜小蓮華山➜白馬大池➜栂池自然園
-------------------------------------
上年7月完成富士山之旅後，已經計劃喺同年嘅8,9月再登上日本嘅山峰，做完一輪功課之後，結果係白馬岳大熱勝出。之後一直留意住天氣報告，仲諗住等到好天前嘅一星期先買機票，點知由8月中等到9月中封山都未見放晴，最終只好將計劃壓後一年。

由於滑雪關係，年頭已經兩次經東京去白馬，所以今次一早鎖定由名古屋出發。而然按往積嚟睇，7月份嘅天氣好似普遍較好，但9月份嘅機票又平一半，喺兩者爭扎其間，一個我鐘意咗好耐嘅日本歌手Yuki竟然宣佈開演唱會，其中一個期就係9月初喺名古屋，就係咁，Yuki已經幫我選擇咗最好嘅日子。

身邊嘅人知道我係一個人行白馬岳，大家第一時間都係問點解唔同朋友一齊，或者同我講一個人好危險。喺度講啲好唔負責任嘅說話，其實我從來都唔明有咩咁危險！！！的確週不時都有新聞指有人喺登山時出意外，但喺我由猿倉起步走到鑓溫泉，中途遇到嘅人，有7成都係一個人行山，喺外國人嘅世界入面，一個人行山實在非常之普遍。加上今次我想好好咁拍一次vlog，所以一早決定係獨遊之旅。

出發前幾日仲打緊個超級大風，都幾擔心天氣問題，為落雨做好萬全準備，慶幸上山旅途嘅天氣比預期中好，雖然睇唔到日出同日落，但沿途見到雲海放題同白馬岳一帶嘅山勢，已經值回票價。

飛驒山脈連綿，行程安排由兩日到四日都可以選擇，除咗可以直接入住山屋之外，亦有唔少登山者選擇喺屋外嘅指定營地搭建帳篷，山屋可以為露營者提供基本需要。另外由於物資由直昇機送運，所以山上物價並不低廉。

今次選擇嘅三日兩夜路線，每日大概步行4-6小時，算係較易入門。但中段路線有一定危險性，如果以香港嘅山作對比，應該唔只網上所評定嘅中級路線，起碼我認為佢比富士山難。

整條路線地形多變，更有唔少近似香港各地嘅山勢，梧桐寨、虎吼石河、狗牙嶺、青山、彎曲山、鹿巢石林、昂坪高原，一路走來感覺既熟悉又陌生。的確要佩服日本人嘅細心，雖然路途變化多端，但路線線絕對清晰可見，機乎無半點搵路需要。

雖然一人獨行，理應可以話停就停話走就走，但現實係仍然有好多條件限制，經常為免避開人潮而加快腳步，又會因為山屋需要3點前入住而急起直追（後來發現只係純粹建議），最終仍然覺得未夠隨心所慾。如果再有下一次，希望可以將時間再預鬆啲。

白馬之旅算係目前登山有史以嚟最難忘嘅一次，第一次獨遊外國嘅山嶺，第一次體驗三日兩夜喺山上，第一次孭咁重嘅背囊，如果唔係為咗感受一次無拘無束嘅拍攝之旅，同朋友一齊嚟真係會更有趣。小遺憾係今次影唔到日出，亦與夜攝星空無緣，再加上另一條大雪溪路線都係目標之內，希望下次可以一一實現。
-------------------------------------
00:00 Intro
00:17 白馬岳行程導覽
02:20 Day 1 開始
06:55 杓子沢
08:56 白馬鑓溫泉到著
10:58 Day 2 開始
13:35 Timelapse
15:20 不未名山頂航拍
16:05 鑓ヶ岳 2,903m
16:22 航拍杓子岳與白馬岳
19:09 杓子岳 2812m
21:47 白馬山莊到著
25:20 訪問香港人Chris在白馬山莊工作
28:45 Day 3 開始
29:20 白馬岳 2,932 ﹙日出？﹚
32:23 Timelapse
33:00 小蓮華山
33:27 航拍白馬大池
34:28 大池山莊
35:35 白馬乘鞍岳
36:00 巧遇香港IG友
37:24 終點栂池登山口
39:00 小目標
-------------------------------------­---------------------------
拍攝器材：
Canon EOS R8
RF14-35mm F4 L IS USM
RF24-240mm F4-6.3 IS STM
DJI Mini 3
DJI Pocket 3
DJI Mic

拍攝日期：2024年9月9日
-------------------------------------­---------------------------
#japan #hiking #hikejapan #japanhiking #japanlandscape #japanoutdoor #sunrise #sunset #eosr8 #雲海 #日落 #日本登山 #行山 #行山路線 #山系 #山系攝影 #白馬鑓温泉 #白馬山荘 #猿倉荘 #白馬岳 #鑓ヶ岳 #杓子岳 #白馬大池 #山岳 #山岳写真 #日本百名山 #徒步寂靜山野