ცვლილებები მართლმსაჯულების სისტემაში

Описание: არასამთავრობო ორგანიზაციების წარმომადგენლები მთავარი პროკურატურის იმ ინიციატივას ეხმაურებიან, რომლის მიხედვითაც ნარკო და მძიმე დანაშაულებზე საპროცესო გარიგებები მკაცრდება. მათი შეფასებით, ნარკომომხმარებლებისთვის საპროცესო შეთანხმების გაფორმების გაუქმება გამართლებული არ არის. უმრავლესობის დეპუტატები მიიჩნევენ, რომ მხოლოდ კანონის გამკაცრება ნარკოდანაშაულთან და ნარკომანიის წინააღმდეგ ბრძოლისთვის საკმარისი არ არის. ნაციონალური მოძრაობისათვის სასჯელის ინდივიდუალიზაცია მიუღებელია. მათი განცხადებით, ინდივიდუალური მიდგომის შემოხვევაში არაობიექტური გადაწყვეტილებების მიღების ალბათობა დიდია. იუსტიციის მინისტრის თქმით, საპროცესო შეთანხმების ინსტიტუტის რეფორმის პროექტი დასრულებულია. რეფორმის მიზანი არა პროექტის გაუქმება, არამედ დახვეწაა. მთავარ პროკურატურაში კი განმარტავენ რომ კანონის გამკაცრება ნარკო მომხმარებლებზე არ ვრცელდება და ნარკოტიკის შენახვასა და გასაღების ფაქტებს ეხება. ინიციატივა უშუალოდ მთავარ პროკურორს ეკუთვნის. სისხლის სამართალში და სისხლის სამართლის საპროცესო კოდექსში ცვლილებების პროექტი დღეს გამართულ სისხლის სამართლის სისტემის რეფორმაზე მომუშავე უწყებათაშორისი საბჭოს სხდომაზე განიხილეს.