ลายเพลงบูชาพญาเอนกอนันตนาคราชราชา -【By คน-หัว-นาค】

Описание: ลายเพลงบูชาพญาอนันตนาคราช
ประพันธ์โดย ธีรวัฒน์ เจียงคำ
ทำนอง/คำร้อง คีตะ อีสาน
ลิขสิทธิ์เพลง คน-หัว-นาค
เพลงใช้ประกอบพิธีบวงสรวง พญาอนันตนาคราช ณ เรือนอนันตนาคราช 25 ม.2 ต.กลาง อ.เดชอุดม จ.อุบล
เฟสบุ้ค เพจ คน-หัว-นาค   / khonhuanak  
เนื้อเพลง
บัดนี้ หลิงฝั่งฟ้า คล้อยค่ำพวมแลง สรรพแสงมี สีคำเฮืองน้ำ ข้าสิ ยอควมด้าม เดิมดามาป่าว
เถิงจอม อุทกังเจ้า ตนเหง้าอนัตตะ
พระผุ้ปกพงศ์เหง้า นาคราชเจ้าตนฮ่ม จอมเซี้ยผู้ก้มกั้งเกล้า ปกจอมธรรมเจ้าโลกนาถ จอมพระนาคราชแท้ นามเอิ้นเฮียกขาม ผู้ทรงงามทรงฮูปทรงสีสันสิ่ง ถ้วนคุมวลมิ่งแก้วแนวล้วนกระบวนศรี
แล้วจึงว่าบัดนี้ ข้าจักแปงวจีถ้อย ฮ้อยควมพจบทวาท มานบอนันตนาคราชเจ้า ตนเป็นเหง้าในสกล ตนเป็นใหญ่ในห้องนทีทองแสนย่าน ผู้ขานนามมีนัยฮ้วมกวมเท่ากัปกัลป์ องค์มีฤทธ์เถิงสะบั้นผลาญโลกโลกา มื่อนี้ข้าสิสมมา ว่าฮ่วมเป็นควมเค้า

เอาอันนี้มีมาด้วย ซวยมาลา ข้าแต่ง แปงคุแนวเสมอด้าม งามแล้วจังคอยยอ หมายสิขอต่อตั้ง ยั้งเพียงเฮียงเคิ่ง ขอซ้นบุญ ซ้นเพิ่ง ซ้นพระผู้เนาว์น้ำ ผู้นามเจ้าอนันตา ขอกูณาว่าผายโพด แนเยอผู้ทรงศรี ฝูงข้ามีคุเคียงเฮียงพร้อมหมายมาน้อม ว่า นบเถิง


อุกาสะ สิวันทานอบน้อม ค้อมขวัญเค้าแต่งเต้าตื่มเข้าใส่กัน ฝั่นตางสายสิญจน์อันได้ตกแต่ง แปงตางใต้อันฮุงเฮืองได้ฮอดพันวัสสา ปวงข้ายอทศนัขนบเถิง หมายให้บุญเลิงเลิงเท่าบ่อนสุขศรี ยอสุมาลีพร้อมคันธชาติปะดามี ค้อมกวมเกล้าบาดนี้ ศรีๆข้าสิว่า
อุกาสะ ว่าวันทาว่านอบน้อม เถิงจอมเจ้าภุชงคราชตนยิ่ง มิ่งมหาจอมพญาเจ้าใหญ่ ในอุทกังวังอันณรรพบรรจบสรวง ปวงข้ายอมโนน้อมถวยเถิง ภุชงคเจ้าผู้เนาว์เวิ้งหว่างน้ำสุวรรณศรี สมุททะเกษียณบ่อนเวียนว่าย พญาเจ้าใหญ่ อนันตเศษา วาระนี้ฝูงข้า ค้อมสักการ์ว่ายอถวาย บอริบวนถ้วนได้ แต่งบุญปุนใส่ให้ฮักษา นบวันทาว่าไหว้ ขอบุญได้ปกปักฮักษา
ค้อมพร้อมว่า ให้สมทวยข้านี้ตกแต่ง ขอให้บุญล่ำแงงเถิดผู้แพงก้ำซำหน่วยตา อันว่ารัศาศรีอย่ามีเศร้า เหง้าแห่งพงค์ปฐมวงศ์นาคา อนันตเศษ นาคราชตนยิ่ง อนันตนาคราชตนมิ่ง ผู้สรรพสิ่งบ่เพียงเกิ่ง น้อมไหว้เถิงให้เทียมเท่าท่อปุณมี ศุภพิสิฐฐี จงมีแน่ถ้อนหนา ว่าให้อนรรฆเนืองอยู่เฮืองฮอง บุญปุนเป็นจั่งฮอง เฮียงซองล่องจั่งคองเกวียน อย่ามีมุดมอดเมี้ยน ให้เนาเกษียณอยู่ซำบาย ปวงข้าแต่งมาได้ ธูปเทียนตางใต้ไหว้วันทา ปวงข้าสมมาไหว้ว่าอยู่ดีเทอญ