Bugesera: Mu birombe bya gasegereti, Haracyari Imibiri y'abishwe muri jenoside

Описание: Bamwe mu bacitse ku icumu bo mu Murenge wa Musenyi mu Karere ka Bugesera bababazwa no kubona hari imibiri y'ababo bishwe muri jenoside yakorewe Abatutsi mu 1994, itarashyingurwa, imyaka 31 ikaba ishize.

Ni imibiri y'abatutsi babaga baturutse mu bice bitandukanye harimo abaturukaga ahitwa i Remera, Gicaca, Musenyi,Rulindo,Nyiramatuntu n'ahandi, bakicirwa aho ku birombe bicukurwamo amabuye y'agaciro ya Gasegereti bakabarohamo, mu rwego rwo kwirinda imirambo iri ku gasozi kuko ari hafi y'ingo z'abaturage

Ni ibirombe byinshi kandi birebire, biherereye ahitwa ku Nunga,mu Kagari ka Musenyi, mu Murenge wa Musenyi, bikaba bikekwa ko birimo imibiri itari munsi ya 200 nk'uko bivugwa na bamwe mu bacitse ku icumu bafite ababo batawemo, harimo uwitwa Ntagwabira Gaston nawe wakubiswe ubuhiri ajugunywamo ariko akaza kugira amahirwe yo kuzamuka akavamo, ndetse akaza kurokoka arimo asizemo abo mu muryango bari babatanyemo bagihumeka.

Uretse Ntagwabira uvuga ko abizi neza ko imibiri y'abe itashyinguwe ikaba ikiri muri ibyo birombe, hari na Ntagengwa Evariste nawe uvuga ko abo mu muryango we harimo umugore we wari ukuriwe n'abandi bana be, ndetse n'abandi bo mu muryongo nabo batawe muri ibyo birombe kdi bakaba batarigeze bavanwamo

Jenoside irangiye, hari ibikorwa byo gushakisha imibiri byakozwe n'Ukurenge wa Musenyi, muri kimwe gusa muri ibyo birombe, nyuma baragisiba bahazitiza imiyenzi, ariko ibindi birombe byatawemo abantu biri aho ntibyigeze bikurwamo imibiri yajugunywemo, Kandi ubu ibikorwa by'ubucukuzi biracyahakorerwa, bigakekwa ko abo bacukura n'iyo babonye imibiri batajya bayerekana,kuko baba batinya ko byatuma ubucukuzi buhagarara

Rukundo Jean Claude uhagarariye Ibuka mu Murenge wa Musenyi, avuga ko batahwemye gusaba ko hakoreshwa izindi mbaraga iyo mibiri igashakishwa ikavanwa muri ibyo birombe igashyingurwa mu cyubahiro, byaba na ngombwa ubucukuzi bukaba buhagaze, bukazakomeza nyuma y'uko imibiri yose yakuwemo ariko ngo ntibyakunze

Ubwo bucukuzi buhakorerwa kdi bazi ko hakirimo ababo batashyinguwe, ngo bubabaza imitima yabo, bagasaba ko nibura hashyirwa ikimenyetso kigaragaza ko hakorewe jenoside kigashyirwaho amazina y'abatawe muri ibyo birombe, abo batibuka amazina, bakavuga gusa abo bari bo, n'ibyo bakoraga mu buzima ...