ხარკოვში სახალხო რაზმებს კრებენ, სევასტოპოლის რუსული სათვისტომო დახმარებას პუტინს სთხოვს

Описание: კიევში მიმდინარე მოვლენებს დღეს ყურადღებით აკვირდებოდნენ ქვეყნის აღმოსავლეთში, სადაც "ევრომაიდანის" იდეა გაცილებით ნაკლებადაა პოპულარული ვიდრე ცენტრსა და დასავლეთში. თუმცა ხარკოვშიც მობილიზაციაა გამოცხადებული და სახალხო ბრიგადების შეკრება მიმდინარეობს. ხარკოვის ადმინისტრაციის ხელმძღვანელის განცხადებით, მოსახლეობას ყველა ლეგალური შესაძლებლობით იარაღი უნდა დაურიგდეს, რათა მათ შეძლონ თავი დაიცვან იმ აგრესიისგან, რომელიც დასავლელი "ექსტრემისტებისგან" შეიძლება წამოვიდეს. ყირიმის პარლამენტის ლიდერი კი აცხადებს, რომ აღმოსავლეთ და დასავლეთ უკრაინა დე-ფაქტო უკვე გაყოფილია და თუ ხელისფულება ჩამოიშლება, რუსულენოვანი ყირიმი შესაძლოა უკრაინის შემადგენლობიდან გამოვიდეს. სევასტოპოლის რუსულმა სათვისტომომ კი დახმარების თხოვნით რუსეთის პრეზიდენტს მიმართა.