ධනංජයගේ පර්යේෂණාත්මක නාට්‍ය ත්‍රිත්වය ග්‍රන්ථය / වංගීසයාගේ "මම තමයි දාර්ශනිකයා" ජීවිතය...

Описание: ධනංජය කරුණාරත්නගේ මැරයෙක් ඇවිත්, ඩබල්ගේම්කාරයෝ, බුද්ධිකයාගේ ජීවිතය පර්යේෂණාත්මක නාට්‍ය ත්‍රිත්වය ග්‍රන්ථය ඇසුරින් රංග කලාව ගැන කතාබහක් / දේශන: රංග මනුප්‍රිය- දේශපාලනය විසින් කලාව යටපත් කිරීම පිළිබඳ විවේචනයක්. දීප්ති කුමාර ගුණරත්න: නැවත ධනංජය කරුණාරත්න වැනි නාට්‍යකරුවන් බිහි නොවන්නේ මන්ද ? අන්තර්ගතයට වඩා ආකෘතියේ බලය ගැන අදහසක්. නාට්‍ය පෙළ කියවීම: ප්‍රසාද් සූරියආරච්චි සමග තිලක් නන්දන හෙට්ටිආරච්චි, බුද්ධික දමයන්ත / සංවාදයට එක්වුණා වංගීස සුමනසේකර සහ අතුකෝරළගේ නීල් / මෙහෙයවීම: තිලක් නන්දන හෙට්ටිආරච්චි / නිර්මල ප්‍රකාශන 23Oct2025 ©Don Maya (පහත සටහන FB/Wangeesa Sumanasekara වෙතින් උපුටා ගැනින)   / 17me256fcj   පහත පළමු කමෙන්ටුවේ තිබෙන්නේ ඊයේ ධනංජය කරුණාරත්නගේ නාට්‍ය පිටපත් කීපයක් පොතක් ලෙස එළිදැක්වූ අවස්ථාවේදී දීප්ති කුමාර ගුණරත්න වෙත මා දැක්වූ ප්‍රතිචාරයකි. මෙය ලොකු චිත්‍රය තුළනම් වැදගත් දෙයක් කියා මා සිතන්නේ නැත. අප දේශපාලනිකව පසුකරමින් සිටින්නේ අතිශය තීරණාත්මක කඩඉමකි. සමගි ජන බලවේගය, පොහොට්ටුව, එජාපය ආදී සම්ප්‍රදායික දේශපාලන පක්ෂ විසින් නඩත්තු කරන ලද පාතාලය සතු බලය දැන් දේශපාලනිකව අභියෝගයට ලක් වෙමින් තිබේ. අපේ රටේ අනාගතයක් ගැන සිතීම ආරම්භ කළ හැක්කේ මේ 'යුද්ධය' අවසන් කිරීමෙන් පසුව පමණි. එය කළ හැක්කේ මේ ආණ්ඩුවට පමණක් බව ඉතාම පැහැදිලි වෙයි.

දේශපාලනිකව මම දීප්ති සමග එකඟ නොවන්නේ මේ නිසාය. 'ප්‍රාග්ධනයට හිතකර ආණ්ඩුවක්' සැදීම යනු වැඩකරන මිනිසුන්ගේ අයිතිවාසිකම් සීමාකරන ආණ්ඩුවක් සැදීම මිස අන් දෙයක් කියා මා සිතන්නේ නැත. එනිසාම කොමියුනිස්ට්වාදය ගැන කතා කළ දීප්ති මෙවැනි දේ කියන්නේ දේශපාලන අවස්ථාවාදය නිසා මිස අන් දෙයක් වෙනුවෙන් කියා මා සිතන්නේ නැත. එතැනදී මා සිටින්නේ දේශපාලනිකව පසමිතුරු කණ්ඩායම්වලයි.

නමුත් මා - මෙහිදී පැහැදිලි කරන ලෙසම - දාර්ශනිකයකුද වන නිසා අපේ රටේ බුද්ධිමය ඉතිහාසය පිළිබඳව ඉගෙන ගැනීමේ උනන්දුවක්ද තිබේ. මා සිතනා ආකාරයට 90 දශකයේ අපේ රටේ සිදුවූ බුද්ධිමය පරිවර්තනයේ ගාමක බලවේගයක් වන්නේ දීප්තිය. මනෝවිශ්ලේෂණය, ව්‍යුහවාදය, ලැකාන්, ඩෙරීඩා, ෆූකෝ ආදීන් අපේ රටේ සිංහල කතා කරන සමාජයේ අධිපති සංවාදය බවට පත් වන්නේ දීප්තිගේ සහ රොහාන්ගේ මැදිහත්වීම් නිසාය. එම අර්ථයෙන් අපේ රටේ බුද්ධිමය ඉතිහාසයේ දීප්ති වෙත උරුම වන භූමිකාවක් තිබේ. එය කිසිවෙකුට නැති කළ හැකි වනවා කියා මා සිතන්නේ නැත. බොහෝ දෙනෙකු කතා කරන සංවාද භාෂාව ඔවුන්ට ලැබෙන්නේ දීප්ති නිසාය.

දේශපාලනය තුළ වැඩක් නොමැති වුවත් අපේ රටේ දාර්ශනික සංවාදයේ ඉතිහාසය තුළ මට වැදගත් වන ප්‍රශ්නයක් නිරාකරණය කර ගැනීමට ඊයේ දිනයේදී හැකි විය. ඒ දීප්ති ඉදිරියේ විවෘතව ඔහු සමග මා ගනුදෙනු කරන ආකාරය පැහැදිලි කිරීමට හැකි වීමෙනි. සටහන තබන්නේ එය ලකුණු කර තැබීමටයි. මේ සඳහා ධනංජයගේ 'වේදිකාව' යොදා ගැනීම වෙනුවෙන් ඔහුගෙන් සමාව අයදිමි.