Mayak (2012) - qısametrajlı film - oğlunu narkomaniyanın cəngindən sərt qaydalarla uzaqlaşdıran ata

Описание: 12+

Film ayrılıq mövzusundan bəhs edir. Hər şey ayrılıqdan - ərlə arvadın boşanmasından başlayıb. Qadın ikinci dəfə ərə gedib və ögey ata ilə oğulun münasibətləri alınmayıb. Qadın oğlunu həyata qaytarmaq üçün keçmiş ərinə - Ənsariyə müraciət edir və adaların birində mayak qülləsində çalışan general yeganə övladını xilas etmək istəyir. Onu xəstəxanadan götürüb özünün kimsəsiz adasına gətirir. Ənsarini hərəkət etməyə sövq edən qüvvə, bəlkə də, oğlu Akifə sevgidən daha çox günah hissidir: vaxtında yanında olsaydı, onu öz sevgisi ilə əhatə eləyə bilsəydi, Akifi “ağ ölüm”ün cəngindən ala bilərdi. Bəli, zaman buraxılıb, amma Ənsari öz sərt üsullarının işə yarayacağını düşünür və hesab edir ki, bu üsullar həkim müalicəsindən də effektli ola bilər. Amma insanlardan aralı düşən, kimsəsiz adada tənha həyat tərzi keçirən general reallıq hissini unudub. O, öz “müalicəsi” zamanı ən əsas məqamı yaddan çıxarır - sağalmaq üçün Akif özü bunu istəməlidir.
Film rejissorun diplom işidir.

İstehsalçı: Orman production, Ümumrusiya Dövlət Kinematoqrafiya Universiteti (Rusiya)
Texniki göstəricilər: 16:9
Janr: dram

Mükafatlar:
1. VI Moskva Qısametrajlı Filmlər Festivalı (“Debüt kino-2012”) - “Başqa ölkələr” proqramı çərçivəsində “Ən yaxşı film” mükafatı (2012, Moskva / Rusiya)
2. “Dünyaya işıq” İkinci Beynəlxalq Gənclər Kinofestivalı - “Bədii film” nominasiyasında ikinci yer (2012, Yaroslavl / Rusiya)
3. “Dünyaya işıq” İkinci Beynəlxalq Gənclər Kinofestivalı - “Uşaq filmləri” nominasiyasında B kateqoriyasının (19-30 yaş) qalibi (2012, Yaroslavl / Rusiya)
4. İpək yolu Beynəlxalq Film Festivalı - mükafat

Rejissor: Fariz Əhmədov
Ssenari müəllifi: Esmira Əyyub
Operator: Nizami Abbas
Rəssam: İbrahim Əminov
Bəstəkar: Rauf Əliyev
Rollarda: Məmmədsəfa Qasımov (Ənsari), Ərtoğrul Kamalov (Akif), Gülzar Qurbanova (Akifin anası), Elşən Rüstəmov
Prodüserlər: Rəşad Qasımov, Rasim Salmanov

Film Azərbaycan Kinorejissorlar Gildiyası ilə 01.06.2024-cü il tarixində bağlanmış müqavilə əsasında yayımlanır.