Lei'ataua - Kalapu Hainite 'o Mohetaha 2

Описание: Ko hono fakafeta'ia 'e Nopele 'Ahome'e 'a e maa'imoa ako 'a e Tama ko Pilinisi'Ulukalala Lavaka Ata.
Fa'u 'a Rev.Heneli Viliami Vete.Hiva'i 'ehe Kalapu Hainite 'o Mohetaha Ua Ha'avakatolo.

LEI'ATAUA - Kalapu Hainite 'o Mohetaha Ua.

Holo pe mu'a 'a e 'Afifio na
'A e fangu tukua 'o e 'Otu Tonga
'Aofaki atu e tala fakatapu
He vahenga tala tuku meia Lo'au
Ka e fakame'ite 'a e maa'imoa
He Lei'ataua he fungani koloa(2x)

'Aho e tue 'aho e mavava
He Papai 'o e manu e toafa
Fahu e songo 'o e faka'atamai
'E he kaivai folau laa afi(2x)

Lito e toa 'i va'epopua
Kuo ne kafaki mo fakangofua
Makamaile ne taukakapa
Kuo ope 'i he makafakinanga
Tangitangi e lolo 'a Tuku'aho
Niu tu'utolu toafa 'o Hihifo
Ko e hauhau 'o Ha'a Moheofo
Pouvalu 'i he Toa 'i Pouono(2x)

Foliaki 'o falala 'i he ahi mo e vunga
He fiinga e tala 'o hota fonua
Maliuliu 'i he Hifofua
Tala pea ngala te'eki kalua
Ko e vaiolingi 'o e Lausi'i
'Oku 'ekenaki 'i he mu'a taloni(2x)


Tau:

Aoniu 'i he Fatu-'i-Falaelalava
Toluhama 'i he vaha'a pule'anga
Koe fuekafa 'o e tau malu'i
Liukava e ako he 'ikai hu'i
Mo'unga Lafa e Teisina e mo Talau
Kahoua 'o e matapa 'i Nakau
Vai ko Hiva pea mo 'Ahoafi
Kuo tauhoa e maasita 'aati(2x)

Seini koula monu 'o e hau
Veiongo mo e Toa Ko Ma'afu
'Uha lovai ta e 'Uluafi
Malui e 'ovava ko tauhi ki ai(2x)