Finding Critical Point

Описание: အခြေပြောင်းအမှတ် (Critical Point)

မောင်းလာတဲ့ ကားတစ်စီးကို ရပ်လိုက်ပြီး လားရာတူ ဆက်သွားတာပဲ ဖြစ်ဖြစ်၊ ဆန့်ကျင်ဘက်လားရာအတိုင်း လှည့်ပြန်မောင်းသွားတာပဲ ဖြစ်ဖြစ် ကျိန်းသေတာတစ်ခုက အလျင် Zero နဲ့ တခဏကြုံကြရပါတယ်။ ဒါပေမယ့် ဘေ့စ်ဘောတစ်လုံးကို ဘတ်တံနဲ့ ဖောင်းခနဲ လွှဲရိုက်လိုက်ရင်တော့ ၎င်းထိချက်မှာ သူ့အလျင်က ရုတ်ခြည်းပြောင်းသွားတာဖြစ်လို့ Undefined ဖြစ်သွားပါတယ်။ (ဗီဒီယိုထဲမှာ ကြည့်ပါ။)

ဆိုတော့ Derivative တန်ဖိုး Zero or Undefined ဖြစ်တဲ့ အမှတ်ကို Critical Point လို့ ခေါ်ပါတယ်။ ဒီစကားလုံးက “Crisis” ကနေ လာတာပါ။ ဒါနဲ့ပတ်သက်ပြီး Financial crisis, Economic crisis, Political crisis, Domestic crisis ဆိုပြီး သုံးနှုန်းကြတာ မြင်ဖူးမှာပေါ့။ အကျပ်အတည်းလို့လည်း ဘာသာပြန်ကြပါတယ်။

အရေးအလွန်ကြီးတဲ့ အခြေအနေတစ်ရပ်ကို ရောက်တဲ့အခါ, တစ်စုံတစ်ရာဟာ ရပ်သွားတာမျိုး သို့မဟုတ် နောက်ကြောင်းပြန်သွားတာမျိုးတွေ ဖြစ်တတ်ပါတယ်။ ဆိုလိုတာက မူလအခြေအနေတိုင်း မဟုတ်တော့ဘဲ အခြေအနေပြောင်းသွားတဲ့ နေရာ၊ တခဏ၊ အချိန် သို့မဟုတ် အခိုက်အတန့်မို့လို့ အခြေပြောင်းအမှတ်လို့ Critical point ကို မြန်မာသင်္ချာပညာရှင်ကြီးများက ဘာသာပြန်ခဲ့ကြတာပါ။ Base ကို ဆိုလိုတာမဟုတ်ပါဘူး၊ အခြေအနေက အခြေကို ယူထားတာပါ။

Critical point ကို x-axis ပေါ်က အမှတ်အတွက် အဓိပ္ပာယ်ဖွင့်လေ့ရှိပါတယ်။ တစ်ခါတလေ ဖန်ရှင်ရဲ့ ဂရပ်ပေါ်က အမှတ်အနေနဲ့လည်း အဓိပ္ပာယ်ဖွင့်ပါသေးတယ်။

Have fun!
#sayarrobin

#grade12maths #alevelmaths #igcsemaths #ibmath #gedmath #calculus #criticalpoint