Alalá nº 42- José o Ghaitas, O Gaiteiro do Piñeiro - TVG

Описание: ALALÁ Nº 42: José o Ghaiteiro do Piñeiro
EMISIÓN TVG: 13 de marzo de 2007

Despois dunha complicada operación na que perdeu un anaco de pulmón a Xosé véuselle o mundo enriba pensando que non volvería a tocar a gaita. Unha semana despóis só un milagre puido explicar como o corazón de Xosé, “O Ghaiteiro de Piñeiro” seguía bombeando notas e repenicados por cada esquina do Morrazo.

Esta noite unha historia de superación persoal. Un manual sobre a filosofía do ser gaiteiro por riba da vida e da morte, escrito cos contos e a graza de Xosé, “O Ghaiteiro do Piñero”

Xosé Fernández viviu toda a vida no seu querido barrio do Piñeiro, en Aldán. Alí é o gaiteiro oficial e imprescindible en cada celebración e iso non se consegue en dous días. Leva toda a vida tocando nos entroidos da súa vila con centos de gaiteiros, de aí que fora acumulando na memoria máis de 200 pezas. Con tanta sabedoría ten repertorio para tocar nos entroidos, nas festas parroquiais, nas foliadas, nas procesións… ata nas inauguracións das rúas o recordan tocando os veciños!! Gaiteiro multiusos e infatigable. Dende o domingo de entroido ata o mércores de cinza o equipo do Alalá puido comprobar que durmiu 7 horas!! E é que a Xosé, “O Ghaiteiro do Piñeiro”, antes cos dentes xa lle naceran as ganas de ser ghaiteiro.